| e-texts navigator |
| Wylie |
129b1 ཉིད་ལ།། ཆོས་ཉིད་ཕུར་པར་ཅི་སྟེ་བཏགས།། ཆོས་ཉིད་ཕུར་པའི་རང་བཞིན་ལ།། སྣ་ཚོགས་སྣང་བ་འབྱུང་མི་འགྱུར།། ཁམས་གསུམ་ཉོན་མོངས་དབྱིངས་མི་འབྱོངས།། ལོག་ལྟ་གདར་ཤ་ཆོད་མི་འགྱུར།། ཨེ་མ
129b2 ཧོ།། མེད་པ་མ་སྐྱེས་སྟོང་པ་ལ།། ཐུགས་རྗེས་ནམ་མཁའི་སྤྲིན་དང་འདྲ།། སྤྲིན་དང་ནམ་མཁའ་ཐ་དད་མིན།། ཆོས་ཉིད་ཕུར་པའི་རང་བཞིན་ལ།། ཐམས་ཅད་སྣང་བའི་གཞི་ཡོད་པས།། ཐམས་ཅད་འབྱུང་ཞིང་རྣམ
129b3 པར་འདུ།། སྣང་སྟོང་གཉིས་སུ་མེད་པ་ལས།། གཉིས་སུ་བཟུང་དུ་ག་ལ་ཡོད།། ཉོན་མོངས་མི་སྤོང་དགོས་པ་མེད།། ལོག་པའི་ཆོས་ཅན་ཀུན་ཀྱང་སྒྲོལ།། རང་བཞིན་དག་པའི་ངོ་བོ་ལ།། སངས་རྒྱས་མེད་པས
129b4 སེམས་ཅན་མེད།། འཁོར་བ་མེད་པས་མྱང་འདས་མེད།། ཀུན་འབྱུང་སྣང་བ་ངེས་བཟུང་བྲལ།། ཡོད་དང་མེད་པའི་དམིགས་དང་བྲལ།། ཡོད་པའི་ཆོས་ཉིད་དབྱིངས་ལས་ཉལ།། མེད་པར་དངོས་པོ་རང་རྒྱུད
129b5 མེད།། ཅི་ཡང་མེད་ལ་ཅིར་ཡང་སྣང་།། སྣང་བ་ཉིད་ནི་བརྗོད་དུ་མེད།། མཚོན་པའི་དོན་ལ་བརྗོད་པར་བྱ།། དེ་ཕྱིར་སྨྲ་བརྗོད་གཉིས་དང་བྲལ།། བརྗོད་བྱ་བརྗོད་བྱེད་མཚོན་པ་ཙམ།། རབ་ཏུ་བརྗོད་ཅིང་བརྗོད་དང
129b6 བྲལ།། བྲལ་བའི་དོན་ཉིད་དབྱིངས་ན་ཉལ།། ཁ་དོག་ལྔ་ཡི་ངོ་བོ་ལ།། ངེས་པ་གཅིག་ཏུ་བསྟན་པར་དཀའ།། འཁོར་འདས་གཉིས་ཀྱི་རང་བཞིན་ལ།། འདི་ཞེས་གཅིག་ཏུ་བསྟན་པར་དཀའ།། ཨེ་མ་འདི་ལྟར་ངོ།
iiif viewer powered by OpenSeadragon
