| e-texts navigator |
| Wylie |
128b1 སྣང་།། སེམས་ལ་ལྷ་ཉིད་གཞི་རྩ་བྲལ།། ཀུན་ལ་སྣང་གཞི་རྩ་བ་བྲལ།། རང་རྒྱུད་བཟུང་བ་ལྷ་ཡང་མིན།། ཕྱོགས་སུ་བཟུང་བ་རོལ་པ་ཙམ།། ལྟ་བ་མ་ངེས་གཞི་རྩ་བྲལ།། དེ་བཞིན་རིམ་པ་མ་ལུས་ཀུན།། རྩ་བ་བྱང
128b2 ཆུབ་སེམས་ཉིད་ལ།། ངེས་པར་མི་འཛིན་གཞི་དང་བྲལ།། བསྒོམ་པའི་ལྷ་ཡང་དེ་བཞིན་ཏེ།། རྩ་བ་སེམས་ཉིད་སྣང་གཞི་ལ།། ལྷ་ཡི་རོལ་པ་ཅིར་ཡང་སྣང་།། རོལ་པ་རང་རྒྱུད་བཟུང་བས་ན།། ལྷ་ཡང་རང་རྒྱུད་དག
128b3 པས་སྐྱེས།། བེམ་པོ་ཟོ་ཡོར་རིལ་པོ་དང་།། ང་བདག་གཟུང་འཛིན་ཐེར་ཟུག་དང་།། སྟོང་པ་བདག་མེད་མི་དམིགས་ཕྱལ་བ་དང་།། གཉིས་མེད་དང་དངས་མཉམ་ཉིད་ཏིང་འཛིན་སླད།། ཡོད་དང་མེད་པའི་མཐར
128b4 འཛིན་རང་རྒྱུད་དང་།། རང་རང་ཕྱོགས་སུ་འཛིན་ཅིང་རང་གར་གཏོང་།། མ་རིག་མ་ཤེས་ཡིན་པས་འཕྱལ་པར་གཏོང་།། ཡོད་དང་མེད་པའི་མཐའ་ནི་མ་ངེས་ཏེ།། ཡོད་ན་ཡོད་དུ་བས་ཏེ་ཀུན་གྱི་སྣང་གཞིར
128b5 ཡོད།། མེད་ན་མེད་དུ་བས་ཏེ་འཁོར་འདས་རང་རྒྱུད་མེད།། རང་རྒྱུད་འཛིན་པའི་ཤེས་པ་ཡིས།། མྱ་ངན་འདས་པ་འཛིན་པའི་རྒྱུ།། བྱང་ཆུབ་སེམས་ཀྱི་རང་བཞིན་ལས།། འཁོར་བ་ཉིད་ཀྱང་གཞི་རྩ་བྲལ།། འཁོར
128b6 བ་མ་ངེས་ངེས་ཟུང་བྲལ།། དམ་པའི་འཛིན་པས་མ་གཟུང་ན།། འཁོར་བ་ཉིད་ཀྱང་མྱ་ངན་འདས།། ཁམས་གསུམ་འཁོར་བའི་སེམས་ཅན་རྣམས།། དུས་གསུམ་བཞུགས་པའི་རྒྱལ་བ་ཀུན།། བྱང་ཆུབ་སེམས་ཀྱི་རང
iiif viewer powered by OpenSeadragon
