| e-texts navigator |
| Wylie |
128a1 མེད་ཅིང་སེམས་ཅན་མེད།། འཕེལ་བ་མེད་ཅིང་འགྲིབ་པ་མེད།། ཟད་པ་མེད་ཅིང་སྟོང་པ་མེད།། དེ་བཞིན་རོལ་པ་ཕྱོགས་མེད་ལ།། ལྟ་བ་ཐ་དད་སྣ་ཚོགས་བལྟ།། སྒོམ་པ་ལས་ཀྱི་རིམ་པར
128a2 བསྒོམ།། སྤྱོད་པ་མི་མཉམ་ཐ་དད་པས།། འབྲས་བུ་མི་མཐུན་ཐ་དད་འབྱུང་།། དེ་ཕྱིར་ཆོས་ཉིད་བརྟག་དཀའ་བས།། སྙིང་པོ་དོན་ལ་མ་ཕེབས་ན།། ཚིག་ཙམ་བསྟན་པས་དོན་མི་འགྲུབ།། དཔེར་ན་ཡི་གེ་མཁས་པས
128a3 ཀྱང་།། ངེས་པར་གདེང་དུ་མ་གྱུར་པར།། བྲི་བར་ནུས་པ་ཡོངས་མི་འགྱུར།། སྐྱེས་བུ་རྩལ་དང་མི་ལྡན་པས།། ཕ་རོལ་ཐུབ་པར་ནུས་པ་མེད།། དེ་བཞིན་བྱང་ཆུབ་སེམས་ཉིད་ཀྱང་།། གཞི་རྩ་མེད་པར་མ་ཤེས
128a4 ན།། སེམས་ཉིད་གཏན་ལ་ཕེབས་པ་མེད།། ལྷ་ཉིད་བསྒོམ་དང་སྤྱན་དྲངས་ཡང་།། གཞི་རྩ་མེད་པར་མ་ཤེས་ན།། ལྷ་ཉིད་བརྟགས་པར་ལོག་རྟོག་ཉིད།། གཞི་རྩ་མེད་པར་ལྷ་བསྒོམ་པས།། ཆོས་ཉིད་དོན་དམ་རྟོགས
128a5 པ་དང་།། ལོག་པའི་ཆོས་ཅན་འདུལ་བ་དང་།། འགྲོ་བ་ཐ་དད་དྲངས་པ་དང་།། བདུད་དང་སྲིན་པོ་དབང་དུ་སྡུད།། དཔེར་ན་མེ་ལོང་སྣང་གཞི་ལ།། གཞི་རྩ་མེད་པར་ཐམས་ཅད་སྣང་།། མ་བལྟས་སྟོང་ལ་རྣམ་པར
128a6 སྣང་།། ཡོད་མེད་གཉིས་ཀྱི་སྣང་གཞི་འབྱུང་།། སྣང་དང་མི་སྣང་རང་རྒྱུད་མེད།། དེ་ཕྱིར་གཟུགས་བརྙན་གཞི་རྩ་བྲལ།། ལྷ་སྒོམ་རིམ་པ་དེ་བཞིན་ཏེ།། སེམས་ཉིད་ཀུན་གྱི་སྣང་གཞི་ལ།། འདུལ་བའི་དོན་དུ་ཅིར་ཡང
iiif viewer powered by OpenSeadragon
