| e-texts navigator |
| Wylie |
127b1 བཞིན།། ཆོས་ཉིད་ཕུར་པའི་རང་བཞིན་ལས།། རོལ་པ་ཆེན་པོ་ཅིར་ཡང་སྣང་།། འདུལ་བའི་རིམ་པ་བསམ་མི་ཁྱབ།། མེ་སྟེ་སྲེག་པར་བྱེད་པ་དང་།། ས་སྟེ་གནོན་པར་བྱེད་པ་དང་།། རླུང་སྟེ་འཕེན་པར་བྱེད་པ
127b2 དང་།། འབྱུང་པོ་སྒྲོལ་བར་བྱེད་པ་དང་།། མི་འགྱུར་དབུས་སུ་གནོན་ཅིང་སྒྲོལ།། དེ་ཡང་བྱིན་རླབ་ཆེན་པོ་ཡིན།། འདུལ་བའི་ངོ་ལ་དེ་ལྟར་སྣང་།། སྣང་བའི་གཞི་ལ་རོལ་པ་འབྱུང་།། དེ་ཡང་སྒྲོལ་བ་ཆེན་པོ
127b3 འབྱུང་།། ཨེ་མ་འདི་ལྟར་ངོ་མཚར་ཆེ།། གསད་པ་དང་ནི་གསོ་བ་དང་།། དབབ་པ་དང་ནི་གཅད་པ་དང་།། བསྲུང་བྱའི་རིམ་པ་བསམ་ཡས་ཀུན།། ལོ་དང་ཟླ་བ་དུས་ཚོད་དང་།། ཞག་རྣམས་དང་ནི་ཉི་མ་དང་།། བླ
127b4 ཆེན་དང་ནི་འབྱུང་འཇུག་དང་།། ཁམས་རྣམས་དང་ནི་གནན་ཐབས་དང་།། བསྙེན་བྱ་དང་ནི་བསྒྲུབ་བྱ་དང་།། གཅད་བྱ་དང་ནི་གསད་བྱ་དང་།། འཁོར་ལོ་དང་ནི་མཚོན་སྣ་དང་།། གཏོར་མ་དང་ནི་དྲག
127b5 པོ་དང་།། བསྐྱེད་པ་དང་ནི་སྤྱན་དྲངས་དང་།། མཆོད་པ་དང་ནི་བསྟོད་པ་དང་།། ལས་རྣམས་མ་ལུས་རྫོགས་པ་རྣམས།། ཐུགས་རྗེ་ཆེན་པོའི་རོལ་པ་ཡིན།། ཆོས་རྣམས་ཕུར་པའི་རོལ་པ་ལས།། འགྲོ་བའི་དོན་ལ་དེ
127b6 ལྟར་སྣང་།། རྡོ་རྗེ་སེམས་དཔའ་ཐུགས་ཀྱི་མཆོག། ཡང་དག་དོན་ཉིད་གཏན་ལ་འབེབས།། ཆོས་ཉིད་ཕུར་པའི་རང་བཞིན་ཡིན།། བྱང་ཆུབ་སེམས་ཀྱི་རང་བཞིན་ལས།། ལྷ་ཡང་མེད་ལ་འདྲེ་ཡང་མེད།། སངས་རྒྱས
iiif viewer powered by OpenSeadragon
