| e-texts navigator |
| Wylie |
127a1 ཅན།། ཡབ་ཡུམ་སྲས་དང་བཅས་པ་ཀུན།། གདུལ་བྱའི་གཉེན་པོར་འབྱུང་བར་ཟད།། བྱང་ཆུབ་སེམས་ཀྱི་ཕུར་པ་འདི།། གསང་བ་ཆེན་པོ་གསང་བའི་བདག། གསང་བ་བས་ཀྱང་ཆེས་གསང
127a2 བ།། མཁའ་དབྱིངས་གཉིས་སུ་མེད་པ་ལས།། མཁའ་ནི་རིག་པའི་ཡེ་ཤེས་ལྔ།། རྡོ་རྗེ་ཕུར་པ་དྲག་པོའི་དབྱིབས།། རྭ་ལྔ་ཡེ་ཤེས་ལྔ་ཡི་བདག། ཡིག་འབྲུ་ལྔ་རུ་འབྱུང་བ་ཡིན།། རོལ་པ་འབྱུང་ཕྱིར་རྣམ་པར
127a3 གནས།། དབྱིངས་ནི་ཤེས་རབ་ཆོས་དབྱིངས་ཏེ།། དྲག་པོས་སྒྲོལ་བ་ཨེ་ཡི་དབྱིབས།། ཐམས་ཅད་བསྐྱེད་ཕྱིར་མ་ཡི་མཚན།། མ་ནི་སངས་རྒྱས་ཐམས་ཅད་བསྐྱེད།། ཡབ་ཀྱི་རང་བཞིན་མཉེས་མཛད་པ།། འབྱུང་བ
127a4 ལྔ་ཡི་རང་བཞིན་ཡིན།། ཡབ་ཡུམ་གཉིས་སུ་མེད་པ་ལ།། སྦྱོར་བས་ཐམས་ཅད་མཉེས་པར་མཛད།། བདེ་བར་གཤེགས་པ་མཉེས་མཛད་དེ།། ཁམས་གསུམ་སེམས་ཅན་ཉོན་མོངས་སྦྱོང་།། བདུད་དང་སྲིན་པོ་ལོག
127a5 ལྟ་འདུལ།། ཐམས་ཅད་བྱང་ཆུབ་སེམས་ཀྱི་ཁྲུས།། སྦྱོར་སྒྲོལ་ཡང་དག་དེ་རུ་འབྱུང་།། འདུས་བྱས་རྫས་ཀྱི་ཕུར་པ་འདི།། རྣམ་པ་བཞི་རུ་ཡང་དག་འབྱུང་།། གཙོ་འཁོར་འདུལ་བའི་ངོ་གང་ལ།། བཞི་རུ་བསྟན་ཏེ་རང
127a6 རང་གིས།། གདུལ་བྱའི་ལས་རྣམས་ཡང་དག་མཛད།། ཨེ་མ་ཧོ།། བྱང་ཆུབ་སེམས་ཀྱི་རང་བཞིན་ལ།། རྣམ་པ་བཞི་རུ་རྣམ་པར་བསྟན།། སེམས་ཉིད་ནམ་མཁའི་རང་བཞིན་ལས།། ཆོ་འཕྲུལ་སྣ་ཚོགས་འབྱུང་བ
iiif viewer powered by OpenSeadragon
