| e-texts navigator |
| Wylie |
126b1 འབྱུང་།། བྱུང་ཡང་ཡེ་ཤེས་དབྱིངས་སུ་ཐིམ།། ཨེ་མ་སངས་རྒྱས་ཐམས་ཅད་ནི།། རིགས་ལས་འབྱུང་ཞིང་རིགས་ལ་འདུ།། རིགས་རྣམས་འབྱུང་བ་ཡང་དག་དབྱིངས།། འདུས་བྱས་དེ་བཞིན་དབྱིངས
126b2 སུ་ཐིམ།། དབྱིངས་ལས་དབྱིངས་སུ་ངོ་མཚར་ཆེ།། ངོ་མཚར་ཆེན་པོ་ཐམས་ཅད་འབྱུང་།། རིག་པ་ཕྱི་ནང་མེད་པ་ལ།། གཉིས་སུ་སྣང་བ་ངོ་མཚར་ཆེ།། དོན་དམ་གཅིག་ལས་མེད་པ་ལ།། སྣང་བ་ཐ་དད་དོ
126b3 མཚར་ཆེ།། ཆོས་ཉིད་ཀུན་གྱི་རང་བཞིན་ལས།། དངོས་པོར་ལྟ་བ་རྣམ་པར་འཁྲུལ།། འཛིན་པ་མེད་པའི་ཆོས་ཉིད་ལ།། འཛིན་པ་རང་རྒྱུད་རྣམ་པར་འཁྲུལ།། ཨེ་མ་ཀུན་ཏུ་བཟང་པོ་ནི།། ཐམས་ཅད་ཀུན་གྱི་རང
126b4 བཞིན་ཏེ།། དཔེར་ན་མེ་ལོང་གཟུག་བརྙན་འདྲ།། ཀུན་ཏུ་བཟང་པོའི་ཆོད་ཉིད་ནི།། ཆོས་ཉིད་ཕུར་པ་ཀུན་གྱི་གཞི།། རང་རྒྱུད་སྣང་བའི་གཞི་མེད་ཀྱང་།། སྣང་ཞིང་རང་བཞིན་ལྷུན་གྱིས་གྲུབ།། དེ་ཉིད་བྱིན་རླབ་ཆེན
126b5 པོ་ནི།། ཐུགས་རྗེའི་ཕུར་པ་ཆེན་པོ་ཡང་།། བདེ་གཤེགས་ཐམས་ཅད་བྱིན་རླབ་ཡིན།། གང་ལ་གང་འདུལ་ངོ་གང་ལ།། རྣམ་གཉིས་རྒྱུ་དང་འབྲས་བུ་བཅས།། ཁྲོ་བོ་རྔམ་ཆེན་ལོངས་སྤྱོད་སྐུ།། དབང་བསྐུར་ཁམས
126b6 གསུམ་གདུག་པ་འདུལ།། དེ་ཡི་དབང་བསྐུར་འགྲོ་དོན་དུ།། ལས་རྣམས་མ་ལུས་རྫོགས་པར་འགྱུར།། སྦྲུལ་སྐུ་རྣམ་གཉིས་ཐུགས་ཀྱི་མཆོག། ཉིད་ལས་མི་གཞན་རྣམ་པར་འབྱུང་།། དེ་ཡིས་འདུལ་བའི་གདུག་པ
iiif viewer powered by OpenSeadragon
