| e-texts navigator |
| Wylie |
126a1 འབྱུང་།། སྦྱོང་བའི་ཆུ་བོ་ཐམས་ཅད་འབྱུང་།། དྲག་པོ་འདུལ་བའི་ལྷ་ཡི།། སྐུ།། སྐུ་ཡི་སྐུ་སྟེ་སྐུ་ཡི་མཆོག། སྐུ་བདག་ཆེན་པོ་ཐམས་ཅད་འདུས།། དཔེར་ན་ནམ་མཁའི་ཆོ་འཕྲུལ་འདྲ།། ཞེས་གསུངས
126a2 སོ།། རྡོ་རྗེ་ཕུར་པ་ཆེན་པོ་བཤད་པའི་རྒྱུད་ལས། ཆོས་ཐམས་ཅད་ཀྱི་གཞི་དང་གླེང་བསླང་བའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོས་ཀུན་ཏུ་དགའ་བའི་ཏིང་ངེ་འཛིན་ལ་སྙོམས
126a3 པར་ཞུགས་ནས། སེམས་དཔའ་ཆེན་པོའི་ཆོས་ཐམས་ཅད་དེ་ལྟར་བས་ན། ཆོས་ཐམས་ཅད་ཀུན་འབྱུང་ཞིང་འདུལ་བར་སྣང་སྟེ། ཡང་དག་དོན་ལ་མ་རྟོགས་ན།། བསྟན་པའི་དོན་ཉིད་འདི་ལྟ་སྟེ།། ཁམས
126a4 གསུམ་ཐམས་ཅད་རྒྱལ་བའི་ཞིང་།། སྙིགས་མ་ལྔ་ཉིད་བདེ་ལྡན་གནས།། ཕུང་པོ་ལྔ་ཉིད་རྫོགས་སངས་རྒྱས།། འབྱུང་བ་ལྔ་ཉིད་དབྱིངས་སུ་ཐིམ།། ཁམས་ཀྱི་སྐྱེ་མཆེད་ཐམས་ཅད་ཀུན།། བདེ་བ་ཆེན་པོའི་ཀློང
126a5 དུ་ཐིམ།། ཐམས་ཅད་སྐྱེ་མེད་བདེ་ལྡན་གནས།། ཨེ་མ་འདི་ལྟར་ངོ་མཚར་ཆེ།། བསྟན་པའི་དོན་རབ་འདི་ལྟ་བུ།། ཀུན་གྱི་འབྱུང་གནས་ངོ་མཚར་ཆེ།། ཐམས་ཅད་འདུལ་བ་ཡ་མཚན་ཆེའོ།། ཨེ་མ་བྱང་ཆུབ་སེམས
126a6 ཉིད་ནི།། ཀུན་ལ་འབྱུང་ཞིང་དམིགས་དང་བྲལ།། བརྗོད་དུ་མེད་ཅིང་ཀུན་ལ་སྣང་།། སྣང་བ་ཉིད་ལ་ངེས་གཟུང་མེད།། ཨེ་མ་རབ་ཏུ་གསང་བའི་ཆོས།། རྡོ་རྗེ་ཕུར་པའི་རང་བཞིན་ལས།། ཇི་ལྟར་བསྟན་པ་དེ་བཞིན
iiif viewer powered by OpenSeadragon
