| e-texts navigator |
| Wylie |
125a1 ཤེས་པར།། སངས་རྒྱས་ཆེ་བའི་རྣམ་སེམས་ཀྱིས།། ཤེས་བྱས་གྲོལ་བ་དེ་ཉིད་མིན།། སྟོང་པ་ཉིད་དུ་གང་འཛིན་པ།། ཕྱོགས་སུ་འཛིན་པ་བལྟས་པ་ཡིས།། ཕྱོགས་མེད་དོན་ཉིད་རྟོགས་མི
125a2 འགྱུར།། ཞེན་པ་མེད་པར་གྲོལ་མི་འགྱུར།། སྟོང་པ་རིག་པ་རང་བྱུང་ལ།། གཉིས་སུ་འཛིན་པ་རང་བལྟས་པས།། གཞི་རྩ་མེད་པའི་དོན་མི་འབྱུང་།། སྟོང་པ་ཉིད་དུ་སྐྱེ་བ་མེད།། སྐྱེ་བའི་ཆོས་རྣམས་སྣང་གཞི
125a3 མེད།། ཅི་ཡང་མེད་པའི་ཆོས་ཉིད་ལས།། ཅིར་ཡང་སྣང་བའི་སྣང་གཞི་མེད།། གསལ་ལ་རྟོག་མེད་ཆོས་ཉིད་ལ།། རྟོག་པ་ཡང་མེད་སྣང་གཞི་མེད།། སྣང་ལ་རང་བཞིན་མེད་པ་ལ།། སྣང་བ་མེད་པའི་སྣང་གཞི
125a4 མེད།། དག་པ་ཆོས་ཉིད་ལྟ་བ་ལ།། མ་དག་པ་ཡི་སྣང་གཞི་མེད།། བདེན་པ་གསུམ་གྱི་སྣང་གཞི་ལ།། ཐམས་ཅད་ཀུན་གྱི་སྣང་གཞི་མེད།། ཡོད་མེད་བདེན་པར་ལ་དོར་ལ།། རང་བཞིན་སྣང་བའི་སྣང་གཞི
125a5 མེད།། ལྷ་སྒོམ་ཕྱོགས་སུ་བྲལ་བ་ལ།། གཉིས་སུ་མེད་པའི་སྣང་གཞི་མེད།། མ་རིག་པ་ཡི་རིམ་པར་འབྱུང་བ་ལ།། ཆོས་ཉིད་ངོས་བཟུང་སྣང་གཞི་མེད།། རྟག་ཆད་གཉིས་སུ་བལྟ་བ་ལ།། ཆོས་ཉིད་བརྗོད་བྲལ་སྣང
125a6 གཞི་མེད།། ཕྱོགས་སུ་བལྟས་པའི་ཐེག་པ་ཡིན།། རྡོ་རྗེ་ཕུར་པའི་ཆོས་ཉིད་ལ།། སྣང་དང་སྟོང་པའི་ཐ་སྙད་མེད།། མེད་པ་མ་ཡིན་ཅིར་ཡང་སྣང་།། ཆོས་ཉིད་སྣང་གཞི་ཡོད་པ་ལས།། རྡོ་རྗེ་ཕུར་པ་རྣམ་བཞིར
iiif viewer powered by OpenSeadragon
