| e-texts navigator |
| Wylie |
124b1 མེད།། དེ་བཞིན་རིམ་པ་བསམ་ལས་འདས།། བརྗོད་ཀྱིས་མི་ལང་ལྷ་བསྒོམས་ཀྱང་།། ཐམས་ཅད་རིག་པ་བྱང་ཆུབ་སེམས།། ལས་ཀྱི་ཁྲོ་བོ་འདུལ་བའི་ལྷ།། ཡང་དག་མིན་ཕྱིར་གདུལ་བྱར་གྲགས།། སེམས
124b2 ཅན་ཀུན་ལ་རྣམ་པར་འཚེ།། དངོས་པོ་བཞི་ལ་འབྱོལ་ཉོག་སྤྱོད།། ངེས་པར་གདེང་དུ་མ་ཕྱིན་པར།། འཇིག་རྟེན་འདུལ་བའི་གདུག་པ་ཅན།། ང་རོ་འདོན་ཅིང་ཆེ་བས་བསྒྱིངས།། འཁོར་རྣམས་བསྡུས་ཤིང་དམག
124b3 དཔུང་འཇོམས།། ཡེ་ཤེས་རང་རྒྱུད་གཟུང་ལས་འབྱུང་།། རྡོ་རྗེ་སེམས་དཔའི་དོན་མ་རྟོགས།། ཀུན་བཟང་ནམ་མཁའི་ལྟ་བ་མེད།། རང་ལ་རང་གི་རྣམ་སྨིན་ཚང་།། གྲང་དང་བཀྲེས་པ་དེ་བཞིན་ཏེ།། རྣམ་སྨིན་ཟད
124b4 པར་མ་གྱུར་པས།། ཐུགས་རྗེ་ཆེན་པོའི་བྱིན་རླབ་འབྱུང་།། བྱང་ཆུབ་སེམས་ཀྱི་རང་བཞིན་ལས།། སྟོན་པ་ཉིད་ཀྱང་རྣམ་པར་འདུལ།། འཁོར་གྱི་རྡོ་རྗེ་སེམས་དཔའ་ཡིས།། ཆོས་རྣམས་ཐམས་ཅད་སྡུད་པ
124b5 པོ།། འབྲེལ་པ་ཡོད་པས་སྡུད་པར་འབྱུང་།། གཞི་ཉིད་རང་ལས་མི་གཞན་ཏེ།། བརྗོད་ཀྱིས་མི་ལང་ཐེག་པ་འབྱུང་།། སྐྱེ་མེད་དོན་ལ་དགོད་པའི་ཕྱིར།། ཐེག་པ་ཡང་དག་དེ་རུ་བསྟན།། ས་དང་ལམ་ལ་གནས་པ
124b6 ནི།། མཐར་ཕྱིན་ས་ཐོབ་ཐེག་པ་མིན།། ལམ་ལྔ་མཐར་ཕྱིན་ཡང་དག་མིན།། སྐབས་ཀྱི་ས་ལ་དེ་བཞིན་གནས།། ཉོན་མོངས་སྦྱོང་ཞིང་རིམ་པར་གནས།། ཤེས་བྱ་ཉིད་དུ་འཛིན་པ་གནས།། སངས་རྒྱས་ཉིད་དུ་དེ
iiif viewer powered by OpenSeadragon
