| e-texts navigator |
| Wylie |
124a1 སྟོང་གཉིས་སུ་མེད་པ་སྟེ།། སྣང་བ་ཐམས་ཅད་རྫོགས་པའོ།། རིམ་པར་འབྱུང་ཞིང་རྣམ་པར་གནས།། ཕྱི་ནང་མེད་པར་ཀུན་ཏུ་གསལ།། རིམ་པ་ཉིད་ཀྱིས་གདན་སྟེང་དུ།། དྲེགས་པ་ཕྱོགས་སྐྱོང་ཆེན
124a2 པོ་འདུལ་བའི་ལྷ།། ཡབ་ཡུམ་སྲས་དང་བཅས་པ་རྣམས།། གསལ་ལ་རྟོག་མེད་ལྷ་ཡི་སྐུ།། དྲེགས་པ་འདུལ་བའི་ལྷ་ཆེན་སྐུ།། ཉིད་ལས་མི་གཞན་ཐུགས་ལས་སྤྲུལ།། གཙོ་མཆོག་རྒྱལ་པོ་བདུད་དཔུང
124a3 འཇོམས།། བདེ་བར་གཤེགས་པའི་བྱིན་རླབས་ཡིན།། ཐམས་ཅད་འདུས་ནས་དབང་བསྐུར་བས།། སྲས་ཀྱི་དམ་པ་ལྷ་ཡི་སྐུ།། སྣང་ལ་རང་བཞིན་མེད་པའི་དབྱིངས།། དེ་ཡི་འཁོར་ཚོགས་འདུལ་བའི་ལྷ།། གདུག
124a4 པའི་ཁྲོ་བོ་ཁྲོ་མོ་ཚོགས།། ཡང་སྤྲུལ་བསམ་གྱིས་མི་ཁྱབ་པ།། གདུག་པ་ཅན་རྣམས་འདུལ་བའི་ཕྱིར།། རང་བཞིན་དག་པའི་དབྱིངས་ན་བཞུགས།། འཇིག་རྟེན་དྲེགས་པ་གདུལ་བ་ཡི།། ཁམས་གསུམ་བདག་པོར
124a5 དབང་བསྐུར་ཏེ།། ཀུན་ཏུ་བཟང་པོའི་བྱིན་རླབ་ཡིན།། དབྱིངས་ནས་བཞེངས་ཀྱང་གཡོས་པ་མེད།། སྣང་སྲིད་དྲེགས་པ་དབང་དུ་སྡུད།། གང་འདུལ་སྤྲུལ་པ་བསམ་མི་ཁྱབ།། འགྲོ་བ་ཀུན་ལ་ཅིར་ཡང་སྟོན།། ཞི་དང
124a6 ཁྲོ་ཡང་དེ་བཞིན་འབྱུང་།། རྒྱས་པ་ཆེན་པོ་དབང་ཡང་འབྱུང་།། གང་བསྒྲུབ་ཉིད་དུ་རྣམ་པར་འབྱུང་།། སྤྱན་དྲངས་རིམ་པ་མ་ལུས་ཀུན།། དྲང་བའི་དོན་དུ་ཡང་དག་གསུངས།། བྱང་ཆུབ་སེམས་ལས་ཁྱད་པར
iiif viewer powered by OpenSeadragon
