| e-texts navigator |
| Wylie |
123b1 མོངས་དྲུག་ནི་ཐུབ་པ་དྲུག། ཐམས་ཅད་ལྷ་ཡི་རང་བཞིན་ལ།། གཞལ་ཡས་བྷནྡ་བརྗིད་ཆེན་ལས།། བཞུགས་པའི་དོན་གྱིས་དེ་རུ་བཞུགས།། ལྷ་རྣམས་དོན་གྱིས་དེ་ན་བཞུགས།། རང་བཞིན་ལྷ་དང་མཆོད་པ
123b2 དང་།། འཛབ་བསྙེན་བསྟོད་པ་ཚོགས་པ་དང་།། ཀུན་ཀྱང་རྒྱས་པར་རབ་ཏུ་བྱ།། རིམ་པས་འཇུག་ཅིང་འབྲས་བུ་སྨིན།། ཚད་དུ་ཕྱིན་པ་ཡང་དག་ཉིད།། རྣམ་བཞིའི་འབྲས་བུ་རིམ་པར་འཇུག། ཡང་ནས་ཡང་དུ་རྣམ
123b3 པར་རྟོག། ཕུང་པོ་ཧེ་རུ་རྣམ་ལྔ་རུ།། འབྱུང་བ་ལྔ་དང་ཡེ་ཤེས་ལྔ།། རྣམ་ཤེས་བཛྲ་ཀོ་རཱི་མ།། ཡུལ་བརྒྱད་ཕྲ་མེན་སེང་ཧ་བརྒྱད།། ལོག་རྟོག་སྒོ་མ་རྟ་གདོང་མ།། ཡིད་ནི་འཇུག་བྱེད་དབང་ཕྱུག་མ།། རང་བཞིན་ལྷ
123b4 དང་རིམ་པ་དང་།། མཆོད་པ་དང་ནི་བསྙེན་བསྟོད་མཆོད།། ལས་རྣམས་མ་ལུས་ཀུན་ཀྱང་རྫོགས།། གྲངས་དང་ཚད་དུ་ཕྱིན་པ་དང་།། རིམ་པ་བཞི་ལ་སྐབས་དང་སྦྱོར།། གྲངས་ཀྱི་རིམ་པ་ཡང་དག་ཉིད།། དེ་ཉིད
123b5 གྲུབ་པ་སྐུ་གསུང་ལ།། གང་གིས་རྟོགས་ནས་རིམ་པར་འཇུག། དེ་མ་རྟོགས་པར་སྒྲིབ་པ་གསུམ།། བྲལ་བ་ཉིད་དུ་ཡོངས་མི་འགྱུར།། རྟོགས་ན་ལོངས་སྐུའི་བྱིན་རླབས་ཡིན།། དེ་ཐོས་སྒྲིབ་པ་གསུམ་དང་བྲལ།། ཆེ
123b6 ཆུང་གཉིས་མེད་ཡང་དག་བྲལ།། ས་རྣམས་རབ་ཏུ་མནན་པའོ།། ལམ་རྣམས་མཐའ་རུ་སྐྱོལ་བའོ།། རིམ་པ་གནས་སུ་འབྱོར་བའོ།། དགྲ་རྣམས་ཚད་གཅད་འཇོམས་པའོ།། སྟོང་པ་ཆེན་པོའི་ཆོས་ཉིད་ལས།། སྣང
iiif viewer powered by OpenSeadragon
