| e-texts navigator |
| Wylie |
117b1 སངས་རྒྱས་རྒྱུ།། དེ་ཉིད་རྒྱུ་འབྲས་བདེ་བའི་དོན།། སྙིང་པོ་དམ་པ་དེ་ལ་བྱ།། དེ་ནི་འཁོར་འདས་གཉིས་ཀྱི་གཞི།། བདེ་བར་གཤེགས་པའི་སྙིང་པོ་ཡིན།། ཐམས་ཅད་ཀུན་གྱི་འབྱུང་གནས་ཡིན།། དོན་དམ་ཕུར་པ
117b2 དབྱིངས་ལ་སྒྲོལ།། བདག་འཛིན་པ་ཡི་ཕུར་པ་ནི།། འཁོར་བའི་སྡུག་བསྔལ་འཛིན་པའི་རྒྱུ།། དོན་དམ་ཆོས་ཉིད་ཕུར་པས་འཇོམས།། བདེ་བར་འཛིན་པའི་ཤེས་པ་ནི།། འཛིན་པའི་དོན་ལ་ཁྱད་པར་མེད།། སྤང་བླང
117b3 མེད་པའི་ཕུར་པ་ཡིས།། གང་འཛིན་འཛིན་པ་རྣམ་པར་གྲོལ།། འཛིན་པ་མེད་པར་དོན་རྟོགས་ན།། མཚམས་མེད་སྦྱང་ཡང་བྱང་ཆུབ་ཐོབ།། ཡེ་ནས་གནས་པའི་ཕུར་པ་ཡིན།། དང་པོར་འཁོར་བར་འཛིན་པ་ནི།། མ
117b4 རྟོགས་པ་ལས་མ་རིག་བྱུང་།། དེ་ཡིས་བག་ཆགས་ཀུན་གཞིར་གྱུར།། དེ་ལས་ཀུན་གཞིའི་རྣམ་ཤེས་བྱུང་།། དེ་ལས་གཞི་བྱུང་རྣམ་པ་གཉིས།། གཅིག་ལས་སྣང་བ་ཐ་དད་པས།། འཁོར་འདས་བསམ་མེད་བརྗོད
117b5 ལས་འདས།། ཉི་མའི་ཟེར་ལྟར་རྣམ་པར་བྱུང་།། ཐིག་ལེ་སྣང་ཞིང་ཡོད་པ་ལས།། རང་རྒྱུད་དངོས་པོ་གཞི་ལ་མེད།། འདྲ་གཞི་ཀུན་ལས་རྣམ་པར་འཁྲུལ།། མེད་པར་འཁྲུལ་པ་མི་འབྱུང་བས།། མི་སྲིད་རྣམ་པའི་དོན
117b6 རྟགས་འབྱུང་།། ཡོད་པས་འཁྲུལ་པར་གྱུར་པ་ནི།། གཞི་ལ་རང་རྒྱུད་ཡོད་པས་ན།། འཁོར་བ་རང་རྒྱུད་སངས་མི་རྒྱ།། གཞི་ལས་བཏགས་པའི་གཞི་ཉིད་ནི།། བག་ཆགས་སོགས་པའི་གཞིར་གནས་ཀྱང་།། བཏགས
iiif viewer powered by OpenSeadragon
