| e-texts navigator |
| Wylie |
117a1 རིགས།། རིན་ཆེན་པདྨ་ལས་ཀྱི་རིགས།། ཐུགས་ནི་རྡོ་རྗེའི་རིགས་ཀྱི་བདག་སྒྲ་ནི་དེ་བཞིན་གཤེགས་པའི་རིགས།། གསུང་ནི་པདྨ་རིགས་ཀྱི་བདག། ཡོན་ཏན་རིན་ཆེན་ལྔ་ཡིན་ཏེ།། ཕྲིན་ལས་ལས
117a2 ཀྱི་རིགས་སུ་བཤད།། རིགས་ཀྱི་རྒྱལ་བ་རྣམ་ལྔ་ཡང་།། ཡེ་ཤེས་ལྔ་ཡི་ངོ་བོ་སྟེ།། ཡེ་ཤེས་བསམ་མེད་བརྗོད་དང་བྲལ།། ཡེ་ཤེས་བརྗོད་པའི་ཚིགས་ལས་འདས།། ཡེ་ཤེས་བསམ་པའི་དམིགས་དང་བྲལ།། ཡེ་ཤེས
117a3 རེ་བའི་འབྲས་བུ་མེད།། དེ་ཉིད་རང་རིག་ཡེ་ཤེས་ཡིན།། ཁམས་གསུམ་གནས་པའི་སེམས་ཅན་ཡང་།། རང་བྱུང་ཡེ་ཤེས་རང་གནས་ཡིན།། རང་བྱུང་གཞན་ལ་རག་མ་ལུས།། དེ་ཕྱིར་རྒྱུ་འབྲས་དབྱེ་རུ་མེད།། རྒྱུ
117a4 ཉིད་འབྲས་བུའི་མཆོག་ཏུ་བསྟན།། སངས་རྒྱས་སྟོང་པ་ལ་སངས་རྒྱས།། དུས་རྣམས་ཀུན་ལས་ང་སྔར་བྱུང་།། ཆེ་བ་ཡོངས་ལས་ང་ཆེར་བྱུང་།། མ་བཏང་གསལ་བའི་སྒྲོན་མར་བྱུང་།། ཀུན་གྱི་སྙིང་པོ་འབྲས་བུའི
117a5 གཏེར།། རེ་བ་མེད་པས་དོགས་མི་འཆའ།། དོགས་པ་མེད་པས་ཉམ་ང་མེད།། ཀུན་ཀྱང་དེ་བཞིན་རེ་དོགས་མེད།། ཆོས་ཉིད་དབྱིངས་ཀྱི་རང་བཞིན་ལས།། ཆོས་ཅན་ཐ་དད་སྣང་བ་ནི།། བར་སྣང་འཇའ་མཚོན་ཆུ
117a6 ཟླ་འདྲ།། འཛིན་པ་བརྟས་པ་གསེ་ལྟར་མཁྲེགས།། རེ་དོགས་འབྲས་བུ་ཉམ་ང་སྤྱོད།། གཉིས་འབྱུང་ཐ་སྙད་ཐེ་ཚོམ་ཟ།། ངེས་པར་གཏན་ལ་མ་ཕེབས་ཕྱིར།། ཡང་དག་ཉིད་དུ་གང་རྟོགས་པ།། དེ་ཉིད་གང་རྟོགས
iiif viewer powered by OpenSeadragon
