| e-texts navigator |
| Wylie |
116b1 མཐའ་རུ་སྐྱོལ་བ་ཉིད་དོ།། ལམ་རྣམ་རིམ་པས་བགྲོད་པ་ཉིད་དོ།། ཐེག་པ་ཐམས་ཅད་ཕྱོགས་འཛིན་ཆེ། འཛིན་པ་ཉིད་དུ་རྣམ་པར་བལྟས།། དེ་ཉིད་བདེ་བ་འཛིན་པའི་དབང་།། རིན་ཆེན་གསེར་གྱི་ས་གཞི
116b2 ལ།། ཐམས་ཅད་འདེགས་པའི་སྟོབས་ཡོད་ཀྱང་།། ཡང་དག་དོན་གྱི་ཐེག་པ་མིན།། སྙིང་པོ་ཡང་དག་དོན་ལས་འབྱུང་།། རྒྱུ་དང་འབྲས་བུ་མི་ཕྱེད་སྟེ།། རྒྱུ་འབྲས་གཉིས་མེད་ངེས་པའི་དོན།། རྒྱུ་ལས་བཙལ་བའི
116b3 འབྲས་བུ་གཅིག། དུས་མཐའ་ཉིད་དུ་ཡོངས་མི་རྙེད།། རྒྱུ་ཉིད་འབྲས་བུའི་མཆོག་ཡིན་ཕྱིར།། ཆོས་ཉིད་ཡེ་ནས་སྤྲོས་བྲལ་ལ།། འཛིན་པ་ཕྱོགས་ཅན་གང་ནས་གྲུབ།། གཟུང་བས་ཕྱོགས་སུ་འཛིན་པ་ཡིན།། སྟོང་པའི
116b4 ངོ་བོ་གང་ཡིན་པ།། སྣང་བ་ཉིད་དུ་འགག་པ་མེད།། སྣང་བ་དངོས་མེད་སྤྲོས་དང་བྲལ།། སྣང་སྟོང་གཉིས་མེད་འཛིན་དང་བྲལ།། བྲལ་བས་འཛིན་པ་ཉིད་དུ་འགྱུར།། དེས་ན་འཛིན་པ་རང་ཞི་བ།། རང་བཞིན་ཉིད་དུ
116b5 གསལ་བ་ལས།། ཐམས་ཅད་ནམ་མཁའི་རང་བཞིན་འདྲ།། དམ་དང་འཛིན་པ་ཀུན་དང་བྲལ།། ཤེས་རབ་གསལ་བ་མ་རྟོགས་ན།། བསམ་གཏན་མཐར་ཟུག་འབྲས་བུ་མེད།། ཐོབ་མེད་རྒྱུ་ལས་འབྲས་བུ
116b6 མེད།། བགྲོད་མེད་ས་ལ་རིམ་པ་མེད།། སྦྱང་མེད་ལམ་ལ་སྦྲང་དུ་མེད།། ཆོས་ཉིད་ཞི་བའི་རང་བཞིན་ལ།། ཞི་བ་ཉིད་ཀྱང་སྤྲོས་དང་བྲལ།། རིགས་ཀྱི་བུ་དེ་བཞིན་གཤེགས་པ་ཡང་། རྡོ་རྗེ་དང་ནི་དེ་བཞིན
iiif viewer powered by OpenSeadragon
