| e-texts navigator |
| Wylie |
115b1 གཏན་ལ་ཕབ་པའོ།། །། @#།། རྒྱ་གར་སྐད་དུ། ཏ་ཐཱ་ག་ཏ་མ་ཧཱ་བཛྲ་ཀི་ལ་ཡ་ཏནྟྲ་ནཱ་མ། བོད་སྐད་དུ། དེ་བཞིན་གཤེགས་པ་ཆེན་པོ་རྡོ་རྗེ་ཕུར་པའི་རྒྱུད། བཅོམ་ལྡན་འདས་དཔལ་རྡོ་རྗེ
115b2 གཞོན་ནུ་ལ་ཕྱག་འཚལ་ལོ།། ཀུན་ཏུ་བཟང་པོའི་ངང་ཉིད་ལས།། བཤད་པ་དྲི་མེད་འོད་ལྡན་རྒྱུད།། བདེ་གཤེགས་ཐམས་ཅད་བྱིན་རླབས་འབྱུང་།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བསྟན་པ
115b3 རིན་པོ་ཆེ། མི་མཇེད་འཇིག་རྟེན་གྱི་ཁམས་སུ་སྤྲུལ་པའི་སྐུ། ཉོན་མོངས་པ་ཐམས་ཅད་སེལ་བར་བྱེད་པའི་བདེ་བར་གཤེགས་པ་ཐུབ་པའི་དབང་པོ་བྱ་བ་བཞུགས་སོ།། དེ་ནས་བསྟན་པ་ཐམས་ཅད་དར་ཞིང་དྲང་བ
115b4 མ་ལུས་པའི་དོན་མཛད་དོ།། དྲང་བའི་དོན་དུ་ཐེག་པ་བསམ་གྱིས་མི་ཁྱབ་པ་གཅིག་གསུངས་སོ།། གསུང་ངོ་།། གསུང་བར་འགྱུར་རོ།། དེ་བཞིན་དུ་ཤར་ཕྱོགས་གྱི་འཇིག་རྟེན་གྱི་ཁམས་དགའ་བའི་ཞིང་ཁམས་ན།།
115b5 སངས་རྒྱས་དད་པའི་དབང་པོ་ཞེས་བྱ་བ་བཞུགས་ཏེ། དེས་ནི་དྲང་བ་ཉོན་མོངས་པ་ཐམས་ཅད་རབ་ཏུ་སེལ་བར་མཛད་དོ།། ལྷོ་ཕྱོགས་ཀྱི་འཇིག་རྟེན་གྱི་ཁམས་རབ་ཏུ་གསལ་བ་ཞེས་བྱ་བ་ན། སངས་རྒྱས་ཡེ་ཤེས
115b6 གསལ་བ་ཞེས་བྱ་བ་བཞུགས་ཏེ། དེས་ནི་རབ་ཏུ་གསལ་བ་དང་ཉོན་མོངས་པ་ཐམས་ཅད་རབ་ཏུ་མཛད་དོ།། ནུབ་ཕྱོགས་ཀྱི་ཞིང་ཁམས་འཇིག་རྟེན་གྱི་ཁམས་པདྨ་ཅན་ཞེས་བྱ་བ་ན་སངས་རྒྱས་སྒྲིབ་པ་ཐམས་ཅད
iiif viewer powered by OpenSeadragon
