| e-texts navigator |
| Wylie |
115a1 འབྱོར་ངེས་པར་ཁྱེད་ཀྱིས་ཟུང་།། ཀུན་འབྱུང་གྱུར་པ་ཤེས་པ་ཡིས།། དེས་ན་འདི་ནི་ཕུར་པར་གཟུང་།། རླག་པར་བྱེད་དང་འདུལ་བར་བྱེད།། གཉིས་སུ་མེད་པའི་རྒྱུད་དུ་ཟུང་།། ཐེ་ཚོམ་མ་ལུས་གཅོད
115a2 པས་ན།། ཕྱི་མ་ཞེས་པར་རབ་ཏུ་ཟུང་།། ཉོན་མོངས་བརྒྱ་སྟོང་ཕྲག་མང་ཡང་།། ཀུན་གྱི་རྩ་བ་མ་ཡིན་པ།། ཐེག་པ་བརྒྱ་སྟོང་ཕྲག་མང་ཡང་།། ངེས་པར་ཐེག་པ་གཅིག་ཏུ་བཤད།། ཡང་ན་གཉིས་ཏེ་དེ་འདིར
115a3 འདུས།། སྲིད་པ་བརྒྱ་སྟོང་ཕྲག་མང་ཡང་།། ཡང་དག་རྩ་བར་འགྲོ་བའི་ལམ།། དུས་གསུམ་སངས་རྒྱས་ཐམས་ཅད་ཀྱང་།། དེ་ལ་དེ་བརྟེན་དེས་སངས་རྒྱས།། མྱ་ངན་འདས་པའི་ཐིག་ལས་མེད།། ཅེས་གསུངས
115a4 སོ།། འཁོར་རྣམས་དམ་ཚིག་ཅན་དུ་གྱུར་ནས། དོན་ཁས་བླངས་ཏེ་མཆོད་པ་མང་པོས་མཆོད་ནས། ཕྱིར་རང་རང་གི་གནས་སུ་དོང་ངོ་།། བཅོམ་ལྡན་བཛྲ་ཀཱི་ལ་ཡ་ལ་སོགས་པ་རྣམས་ཀྱང་། སྐུ་སྣང་བ་དང་སྟོང་པའི
115a5 དབྱིངས་ཡེ་ཤེས་ལ་གཉིས་སུ་མེད་པར་གྱུར་ཏོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། བསྟོད་པ་དང་རྒྱུད་གཏད་པ་སྟེ་ལེའུ་ཉི་ཤུ་པའོ།། །། རྡོ་རྗེ་ཕུར་པ་གསང་བའི་རྩ་བ
115a6 རྣལ་འབྱོར་ཆེན་པོ་ཡང་དག་པའི་རྒྱུད། རྟོགས་པའི་རྒྱལ་པོའི་རྒྱུད་ཕྱི་མ་ཞེས་བྱ་བ་རྫོགས་སོ།། །། རྒྱ་གར་གྱི་མཁན་པོ་པདྨ་སམ་བྷ་ཝ་དང་། བོད་ཀྱི་ལོཙྪ་བ་ཆེན་པོ་བྲང་ཏི་ཛ་ཡ་རཀྵི་ཏས་བསྒྱུར་ཅིང་ཞུས་ཏེ
iiif viewer powered by OpenSeadragon
