| e-texts navigator |
| Wylie |
114b1 པར་བཤད་པ་འདི་གསུངས་སོ།། ཉོན་ཅིག་གསང་བདག་ལ་སོགས་ཉོན།། རྡོ་རྗེ་ཕུར་པའི་ཚོགས་ཀུན་ལ།། ཁྱེད་ལ་སོགས་པའི་འཁོར་རྣམས་ཀུན།། ཤིན་ཏུ་དང་བ་ངེས་པར་ཞོག། ཕྱི་རབས་དུག་ལྔ་སྨིན་པ
114b2 ཡི།། སེམས་ཅན་རྣམས་ལ་སྣང་བར་གྱིས།། མཁས་ཤིང་ངང་ཚུལ་བཟང་བ་དང་།། རིགས་ལྡན་དམ་ཚིག་ལྡན་པ་ཡིས།། གང་བསྒྲུབ་ལས་རྣམས་འགྲུབ་ངེས་པ།། དེ་ལ་རབ་ཏུ་སྣང་བར་གྱིས།། བསྟན་པའི་སྙིང་པོ
114b3 གང་གནས་པར།། དམ་ཅན་ཡོངས་ཀྱང་གནས་འགྱུར་ཏེ།། དེར་ནི་ལེགས་པ་མང་པོ་འབྱུང་།། ཁྱེད་ཀྱིས་དེ་ཡིས་གྲོགས་མཆོག་གྱིས།། གསང་སྔགས་ཤིན་ཏུ་རྣལ་འབྱོར་འདི།། སངས་རབས་བདུན་གྱིས་མ་གསུངས
114b4 ཏེ།། སེམས་ཅན་དང་བཟང་ལས་མེད་ཡིན།། ཕྱིས་ནི་གཉིས་སུ་མི་འབྱུང་སྟེ།། དེ་ཡང་གོང་བཞིན་ཤེས་པར་བྱ།། འདིར་ནི་ལས་རྣམས་ཐ་དད་པ།། ཉོན་མོངས་རགས་ཀྱང་ལས་སྐལ་ཅན།། མི་མཇེད་འདི་རུ་སྣང་བ
114b5 ཡིན།། དེ་ཕྱིར་དེ་ཡིས་དོན་དེ་ཤེས།། གཞུང་དང་མི་ལྡན་རྣལ་འབྱོར་པས།། འདི་བཅངས་དེ་ཡིས་དེ་སྲོག་གཅོད།། འདི་ནི་ཁྱེད་ཀྱིས་མི་སྣང་བྱོས།། དེ་བས་ང་ཡི་ལུང་ཆེན་ལ།། ཚིག་འགའ་ཐོས་ན་སངས་རྒྱས
114b6 ངེས།། འདི་ནི་ཀོ་ས་ལ་ཡི་གླིང་།། དེར་ནི་རིགས་ཅན་དེ་ལ་འབབ།། སྤྲུལ་པ་འཇིག་རྟེན་མི་གནས་ཚེ།། ཁྱེད་ཀྱི་སྤྲུལ་པ་པད་མའི་རྒྱལ།། དེ་ཡི་ནུས་པས་དོན་བྱེད་འགྱུར།། དེས་ན་འདི་ནི་གསང་བའི་ཚེ།། རྣལ
iiif viewer powered by OpenSeadragon
