| e-texts navigator |
| Wylie |
114a1 པོ།། རང་བྱུང་ཕུར་བུས་ཐམས་ཅད་མ་ལུས་མཁྱེན་པར་མཛོད།། ཚམ་རྔམས་གད་སྒྲ་ཞབས་དྲེགས་བསྒྲོལ་བར་མཛད།། ཡབ་ཡུམ་གཉིས་མེད་སྐུ་ལ་ཕྱག་འཚལ་བསྟོད།། རང་བྱུང་ཕུར་བུ་ཡེ་ཤེས་ལྔ
114a2 ལྡན་དུག་ལྔ་འཇོམས།། ཕྲིན་ལས་ལྔ་ཡིས་དྲེགས་པ་སྒྲོལ་མཛད་ཡང་དག་དགོད།། ཐོགས་པ་མེད་པའི་ལས་མཛད་འདུས་པ་ལྔ།། སྲས་མཆོག་ལྔ་ཡི་སྐུ་ལ་གུས་པས་ཕྱག་འཚལ་བསྟོད།། ཡེ་ཤེས་རོལ་པའི་སྟོབས
114a3 བཅུས་མི་དགེ་འཇོམས།། སྐུ་གསུང་ཐུགས་ཀྱིས་གདུག་པ་མ་ལུས་སྒྲོལ་བར་མཛད།། ཡང་དག་དོན་གྱིས་ལོག་པ་རྣམ་པར་འདྲེན་མཛད་པ།། ཁྲོ་བོ་ཡབ་ཡུམ་སྐུ་ལ་ཕྱག་འཚལ་བསྟོད།། བྱང་ཆུབ་སེམས་དཔའ་སྤྲུལ
114a4 པའི་ཕོ་ཉ་མོ།། ཡེ་ཤེས་དོན་ལས་ཕྲ་ཐབས་གཟུགས་འཛིན་ཅིང་།། དྲེགས་པའི་ཚོགས་རྣམས་མ་ལུས་འདུལ་མཛད་པ།། ཕྲ་མེན་ཕོ་ཉའི་ཚོགས་ལ་ཕྱག་འཚལ་བསྟོད།། ཡེ་ཤེས་ལས་ཀྱི་དོན་རྣམས་མ་ལུས་རྫོགས
114a5 པར་མཛད།། དབྱིངས་ལས་ངེས་པས་ཐེ་ཚོམ་གཅོད་པར་རབ་མཁས་པས།། འཁོར་བ་མ་ལུས་སེམས་ཅན་ལུས་ངག་ཡིད་གསུམ་ཚིམས་པར་བྱེད།། ཀརྨ་ཧེ་རུ་ཀ་ལ་དང་བས་ཕྱག་འཚལ་བསྟོད།། ཅེས་ལན་མང
114a6 པོར་བསྟོད་པ་དང་། མཆོད་པ་མང་པོས་མཉེས་པར་བྱས་སོ།། དེ་ནས་བཛྲ་ཀཱི་ལ་ཡས་གར་གྱི་ཆ་ལུགས་སོགས་བསྟན་པ། རྡོ་རྗེ་སྲིན་པོའི་གསུང་དང་རྡོ་རྗེ་རྣམ་པར་གསོར་ནས་འཁོར་རྣམས་ལ་གདམས་པ་རྣམ
iiif viewer powered by OpenSeadragon
