| e-texts navigator |
| Wylie |
113b1 ཏེ།། བདག་ནི་ཐམས་ཅད་དབང་དུ་འགྱུར།། ཕྱོགས་ནི་རོལ་པའི་ཆ་ལ་ངེས།། ཁྲོ་བོ་འདུལ་བར་བྱེད་པའོ།། ཕུར་པ་མཚོན་པར་བྱེད་པ་སྟེ།། རྫས་ནི་མཚན་མར་ངེས་པའོ།། དཀྱིལ་ནི་རང་རང་གཙོ་བོ་ལ།། འཁོར
113b2 ནི་ཀུན་ལ་ཤེས་པར་བྱ།། དབང་བསྐུར་ཆེ་བར་བྱེད་པའོ།། སྤྱན་དྲངས་དོན་དང་ལྡན་པ་སྟེ།། མཆོད་པ་མཉེས་པར་ཤེས་པར་བྱ།། དེ་ལ་སོགས་པའི་ངེས་པ་ནི།། རྣལ་འབྱོར་ཡང་དག་ལྡན་པས་སྤྱད།། འདེབས་པ་ལ
113b3 སོགས་ངེས་པ་ནི།། རྡོ་རྗེ་སྲིན་པོའི་ནམ་ནི་ལངས་ལ་གདབ།། རྡོ་རྗེ་བདུན་ནི་ནམ་གུང་དག་ལ་གདབ།། རྡོ་རྗེ་མ་མོ་སྲོད་ལ་ཤེས་པར་བྱ།། རྡོ་རྗེ་སྲིན་པོ་ཉི་མ་གུང་ལའོ།། དེ་མིན་ཡང་ན་དུས་ལ་བབ།། གར་དགར
113b4 བཏབ་པས་སྔགས་པ་ཕུང་།། དེ་བས་དུས་ཚོད་རབ་ཤེས་པས།། གང་བྱས་འབྲས་བུ་ཉིད་དུ་གྱུར།། འཇིག་རྟེན་ལྷ་སྲིན་བྲན་དུ་འཁོལ།། དངོས་གྲུབ་རྣམ་གཉིས་འཐོབ་འགྱུར་ཏེ།། རིག་འཛིན་ཉིད་དུ་ངེས་པ
113b5 ཡིན།། ཡང་དག་རྟོགས་ན་ཀུན་ཀྱང་ཕུར།། མ་རྟོགས་པ་ལ་ལས་འདི་བཤད།། ཅེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། ཐེ་ཚོམ་རྣམ་པར་གཅོད་པ་སྟེ་ལེའུ་བཅུ
113b6 དགུ་པའོ།། །། དེ་ནས་འཁོར་བྱང་ཆུབ་སེམས་དཔའ་མང་པོ་དང་། དམ་ཅན་དྲེགས་པ་ཅན་མང་པོའི་ཚོགས་མང་པོས་གཙོ་བོ་ལ་སོགས་པ་ལ་བསྟོད་པ། ཧཱུཾ་ཆོས་ཉིད་ངང་ལས་སྐུར་བཞེངས་ཁྲོ་བོ་ཆེན
iiif viewer powered by OpenSeadragon
