| e-texts navigator |
| Wylie |
113a1 འོག་དཀྱུས་ཚིག་ལྔ་པ་ནི།། བདེན་པ་བདར་དང་གནས་སྤར་དང་།། ཀུན་ལ་སྨོན་ལམ་དེ་ཤེས་བྱ།། དུས་གསུམ་བདེ་གཤེགས་སྙིང་པོ་ནི།། རྡོ་རྗེ་ཕུར་བུ་གཞོན་ནུར་བཤད།། ཐམས་ཅད་ཕུར་པར
113a2 རྟོགས་གྱུར་ན།། དེས་ནི་ངེས་པར་ཐེག་ཆེན་ཤེས།། གཙོ་བོ་ལས་ནི་ཐེ་ཚོམ་མེད།། རྡོ་རྗེ་ཆོས་དབྱིངས་མི་འགྱུར་བར།། གཞོན་ནུ་གཟུགས་སྐུ་རྣམ་གཉིས་སོ།། ཡུམ་ནི་དབྱིངས་ལས་ཤེས་པར་བྱ།། སྲས་ནི་ཡབ་ཡུམ
113a3 ལས་བསྐྱེད་དེ།། མཆོག་ནི་ཐོགས་པ་མེད་པའོ།། ཁྲོ་བོ་དབྱིངས་ལས་ཡེ་ཤེས་ཀྱིས།། ཉོན་མོངས་པ་དག་ཁྲོ་བར་བྱེད།། དེ་དོན་གསུམ་དུ་ཤེས་པར་བྱ།། ཁྲོ་མོ་ཤེས་རབ་དབྱིངས་ཡིན་ནོ།། ཕྲ་མེན་གང་དང་འབྲེལ་པ
113a4 སྟེ།། མགོ་བརྙན་དག་ཏུ་ཤེས་པར་བྱ།། དང་པོར་དམ་ལ་གནས་པར་བྱ།། ཕྱིས་ནས་ལས་རྣམས་བྱེད་པ་ནི།། དོན་དང་ལྡན་པས་དམ་ཅན་ཡིན།། ཕུར་པའི་དོན་ནི་ངེས་པར་བཤད།། བསྙེན་པས་ལྷ་ཉིད་ཉེ་བ
113a5 སྟེ།། བསྒྲུབ་པས་དོན་གྱིས་འབྲས་བུ་སྩལ།། བསད་པས་མཱ་ར་གདོན་མི་ཟ།། བསྲེག་པས་ཉོན་མོངས་བསྲེག་པ་ཡིན།། ཟོར་ནི་དམ་ཅན་རྒོད་པའོ།། མནན་པས་ཕུར་ལྔ་མནན་པས་སོ།། ཉོན་མོངས་མ་ལུས་མནན
113a6 པའོ།། ཉོན་མོངས་ཡེ་ཤེས་གནས་པའོ།། གནས་པ་མེད་པར་བཤད་པ་ཡིན།། འདིས་ནི་ངེས་རྣམས་འཆད་པའོ།། དཀྱིལ་ནི་ཡེ་ཤེས་ཕུར་བུ་ལ།། འཁོར་ནི་ཡོན་ཏན་ཀུན་ཡིན་ནོ།། རྩ་བ་ཀུན་འདུས་ཡིན་པས
iiif viewer powered by OpenSeadragon
