| e-texts navigator |
| Wylie |
111b1 མགུལ་དུ་གདགས།། ཁོ་ཉིད་གསང་འདོད་ཕུར་པ་གདབ།། ཟོར་འཕང་བསྲེག་ལ་ལས་རྣམས་བྱ།། མནན་པའི་རིམ་པ་རྫོགས་བྱས་ནས།། བདག་བསྲུང་མཐུ་བཟློག་ཁོ་ཉིད་འཆི།། འདི་ནི་ཕུར་པའི་མན་ངག
111b2 སྟེ།། ཀུན་ལ་གསང་བར་ངས་བཤད་དོ།། སེམས་ཅན་གཞན་ཡང་བསྲུང་བ་ན།། གང་མཚམས་དབང་དང་བསྐུར་བར་བྱ།། སྲུང་བའི་འཁོར་ལོ་ཕུར་པ་དང་།། བཅའ་ཐབས་གོང་བཞིན་ཤེས་པར་བྱ།། སྲུང
111b3 བའི་སྔགས་ནི་རབ་ཏུ་བཟླས།། མ་མོ་གནོད་ན་མ་མོ་བསྲུང་།། ས་བདག་གནོད་ན་ས་བདག་བསྲུང་།། ཀླུ་དང་རྒྱལ་པོ་ལ་སོགས་པ།། སྲུང་བའི་མན་ངག་ལེགས་པར་བྱ།། རིམས་ནད་ལ་སོགས་བསྲུང་བ
111b4 ཡང་།། ཁྱད་པར་མན་ངག་གིས་ཤེས་བྱ།། སེར་བ་བསྲུང་བའི་རིམ་བཞིན་ནོ།། འཁོར་ལོ་ཕུར་པ་རྫས་རྣམས་ནི།། ཀུན་ལ་དགོས་པར་ངས་བཤད་དོ།། ཐུགས་རྗེ་ལྡན་པའི་སྔགས་པ་དེས།། ཕུར་པས་ཐམས་ཅད
111b5 བསྲུང་བར་བཤད།། དེ་བཞིན་ཉིད་ནི་མ་བཅོས་པ།། ཀུན་ཏུ་སྣང་བའི་སྣང་བ་གསལ།། རྒྱུ་ནི་ཀུན་གྱི་རྒྱུ་རུ་བཤད།། དུས་དང་གནས་སྐབས་ཤེས་པ་ཡི།། གང་བྱས་མངོན་སངས་རྒྱས་པར་བཤད།། ཅེས་གསུངས
111b6 སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། མན་ངག་མཐའ་བརྟུལ་བསྟན་པ་སྟེ་ལེའུ་བཅོ་བརྒྱད་པའོ།། །། དེ་ནས་ཡང་ཀརྨ་ཧེ་རུ་ཀས། ཀཱི་ལ་ཡ་ལ་འདི་སྐད་ཅེས་གསོལ
iiif viewer powered by OpenSeadragon
