| e-texts navigator |
| Wylie |
110b1 དུས་ཀྱི་ཚེ།། རྣལ་འབྱོར་ནང་འགྲས་འབྱུང་འགྱུར་ན།། སྦྱོར་བ་གཞོམ་དང་ཁ་སྦྱོར་དབྱེ།། བཟློག་དང་བསྲུང་བ་བཤད་དུ་གསོལ།། དེ་སྐད་གསོལ་པར་བཀའ་སྩལ་པ།། ཉོན་ཅིག་ཀརྨ་ཧེ་རུ་ཀ། དུས་ངན་ཐ་མ་བྱུང་བ
110b2 ལ།། རྣལ་འབྱོར་ངེས་པའི་དོན་དེའི་ཕྱིར།། དེ་དག་ངས་ནི་རབ་བཤད་དོ།། ཕྱི་ནང་བྷནྡྷའི་རིམ་པ་བཞིན།། ཤེས་བྱ་བསད་པའི་རིམ་པ་ཡང་།། འབྲུབ་ཁུང་གསུམ་བརྩེག་ལྡན་པ་ལ།། རྩ་དང་ཕུར་པས་རབ་ཏུ
110b3 བསྐོར།། རབས་ཆད་ཐོད་པ་ཁ་སྦྱར་ལ།། མན་ངག་རིམ་པར་སྦྱར་བ་དང་།། ལིངྒ་སྔགས་བཅས་རབ་དགོད་དེ།། ཐུན་ཁྲག་བཅས་པའི་སྐུད་པས་བཀྱིག། འབྲུབ་ཁུང་ཁ་ལ་རྩང་གིས་བརྒྱན།། ཐུན་རྫས་དམ་རྫས
110b4 བཅས་པའོ།། གབ་པའི་ལས་རྣམས་རྫོགས་པར་བྱ།། ཁ་སྦྱོར་དབྱེ་བ་གསུམ་བྱས་ལ།། རྩ་བའི་རིམ་པས་བདག་ཉིད་ནི།། དབུ་དགུ་ཕྱག་ཀྱང་བཅཝ་བརྒྱད་དེ།། རྒྱན་ལྡན་འཇིགས་པར་བསྐྱེད་པར་བྱ།། གཡས་ན
110b5 ཕྲ་ཟབས་གཡོན་ཕུར་པ།། ཁྲོ་བོ་ལ་སོགས་དེ་བཞིན་ནོ།། དེ་ལྟ་བུ་ཡི་ཏིང་འཛིན་གྱིས།། ཁོ་ཡི་ལྷ་ཉིད་སྦྱར་བར་གཞོམ།། སྙིང་ཁྲག་ལ་སོགས་འཐུང་བར་བརྟག། སྤྱན་དྲངས་ལ་སོགས་གོང་བཞིན་ནོ།། སྔགས
110b6 རྣམས་ཀུན་ལ་གཞོམ་པ་ཡི།། བཟླས་པས་ཁོ་ཉིད་སྦྱོར་བ་གཞོམ།། རི་རབ་རྒྱ་གྲམ་བར་དུའོ།། བར་བར་ཁ་དབྱེ་ཐུན་དབབ་བོ།། སྙིང་ལ་ཁྲག་གནས་ཁྲོ་བོ་ནི།། ཡཀྐ་མེ་དཔལ་བསམ་པ་ཡི།། ཁོ་ཉིད་ལུས་པོ་བསྲེག
iiif viewer powered by OpenSeadragon
