| e-texts navigator |
| Wylie |
108b1 བྱའོ།། དེ་ནས་ཉམས་པ་གསད་འདོད་པས།། ལིངྒའི་ཕུར་པ་འོག་ཏུའོ།། གབ་པའི་ལས་ཀྱིས་ཐུན་དབབ་བོ།། དེ་ཡང་ལས་སྔགས་མིང་དུ་བཅས།། གཟས་པ་གསད་པའི་དགོངས་པ་བྱ།། ཕུར་བཏབ་ལན་གསུམ
108b2 མཐའ་བརྟུལ་ན།། ཉམས་པ་འཆི་འགྱུར་ངེས་པའོ།། འདི་ནི་རྩ་བའི་ལྷ་བསྒྲུབ་ཡིན།། དེ་ནས་ཁྲོ་བོའི་བསྒྲུབ་པ་ཡང་།། སྤྲུལ་པ་ཆེན་པོའི་དུས་ཞེས་བྱ།། མཎྜལ་གྲུ་གསུམ་བཅུ་གཅིག་ལ།། གོང་བཞིན་ཕུར་པ་བཅུ
108b3 གཅིག་བཅས།། དབུས་ལ་ཁྱད་པར་རྫས་རྣམས་བསྒྲུབ།། གོང་བཞིན་རྩ་བའི་རིམ་པ་ཡིས།། ཁྲོ་བོ་ཡབ་ཡུམ་བསྐྱེད་པར་བྱ།། རང་བཞིན་སྤྱན་དྲངས་མཆོད་དེ་བསྟིམ།། བསྟོད་ཕྱག་འཚལ་བ་ལ་སོགས་བྱ།། ཁྲོ་བོ
108b4 བཅུ་ཡི་གསང་སྔགས་ནི།། བཟླས་བྱ་བར་བར་མཆོད་བསྟོད་དོ།། རྟགས་བྱུང་གོང་བཞིན་རྫོགས་པར་བྱ།། ཉམས་པར་བསྒྲལ་བ་གོང་བཞིན་བྱ།། བསད་དང་ཕུར་པས་གདབ་པ་ཡང་།། ཁྲོ་བོ་བཅུ་ཡི་ལས་སྔགས
108b5 སོ།། གནན་དང་བསྲེག་དང་འཕང་བ་ཡིས།། དམ་ཉམས་ངེས་པར་བསྒྲལ་བ་ཡིན།། འདི་ནི་ཁྲོ་བོའི་བསྒྲུབ་པའོ།། དེ་ནས་སྲས་མཆོག་བསྒྲུབ་པ་ཡང་།། སྤྲུལ་པ་ཞེས་པའི་སྒྲ་ཡིས་ནི།། སྲས་མཆོག་ལྔ་ནི་བསྒྲུབ་པ
108b6 སྟེ།། འབྲུབ་ཁུང་ལྔ་དང་ཕུར་པ་ལྔ།། རྫས་རྣམས་ཚོགས་པར་བྱ་བའོ།། རྩ་བ་ངེས་པའི་རིམ་པ་ཡིས།། ལྷ་ཆེན་ལྔ་ཡི་གདན་ལ་ནི།། སངས་རྒྱས་འདུས་པ་རྡོ་རྗེ་དང་།། རིན་ཆེན་པདྨ་ལས་རབ་འདུས།། མཐིང་ག་སེར
iiif viewer powered by OpenSeadragon
