| e-texts navigator |
| Wylie |
108a1 ལུས་ལ་སྦྱིན་སྲེག་བྱ།། ཤི་དང་བརྡུང་དང་རོ་སྦེད་དང་།། ཉམ་ཐག་ཁས་ལེན་བྱུང་བ་ན།། ཀི་ལ་ཡ་ཡི་བདུད་རྩིས་གསོ།། བདེན་པ་བརྡར་ལ་དམ་རྫས་བསྟབ།། རྩ་བའི་ལས་ཀྱིས་ལས་ལ
108a2 གདགས།། འདིས་ནི་ལས་རབ་འགྲུབ་པ་སྟེ།། སྟོབས་ལྡན་ནུས་པ་ཚང་བ་བྱ།། དེ་མིན་བྱས་ན་སྲོག་ཟད་ཉམས།། ཐམས་ཅད་འགྱོངས་ན་བྱ་བར་བཤད།། ཁ་སྐོང་ཤི་ས་མང་པོ་ནི།། མན་ངག་སྟོབས་ཀྱི་གཞན་དུ
108a3 གསུམ།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། ཤི་ས་བསྟན་པའི་ལེའུ་སྟེ་བཅུ་དྲུག་པའོ།། །། དེ་ནས་ཡང་ནི་བཤད་བྱ་བ།། ཕུར་པའི་དོན་ཤེས་རྣལ
108a4 འབྱོར་གྱིས།། ཡང་དག་དོན་ཕྱིར་ངས་བཤད་དོ།། དམ་ཚིག་ཆེན་པོའི་དུས་ཤེས་པ།། དཔའ་བོ་དེ་ཉིད་བསྒྲུབ་པ་སྟེ།། ཡོན་ཏན་ལྡན་པའི་གནས་རབ་དུ།། གྲུ་གསུམ་ལེགས་པའི་མཎྜལ་བྱ།། ལྕགས་སྣ་ལྔ་བཅས
108a5 ཕུར་པ་དགོད།། གཏོར་མ་སྨན་རག་དེ་བཞིན་བསག། ཏིང་འཛིན་རིམ་པས་བདག་བསྐྱེད་དེ།། ཡུམ་དང་བཅས་རྣམས་ལེགས་བསྐྱེད་དེ།། སྤྱན་དྲང་རྩ་བ་མཆོད་པ་དབུལ།། དེ་ཡང་སྦྱོར་སྒྲོལ་ཁམས་གསུམ
108a6 ནི།། ཡོངས་སུ་བསྒྲལ་བས་མཆོད་པ་འབུལ།། ཀཱི་ལ་ཡ་ཡི་སྔགས་བཟླས་པ།། དེ་ཡང་འབྲུ་དགུའི་ཚུལ་དུའོ།། བསྙེན་པས་ནུས་ཐོབ་བར་བར་དུ།། རྩ་བ་ངེས་པར་བསྐུལ་བསྟོད་བྱ།། དངོས་གྲུབ་བླང་ཞིང་བརྟན་པ
iiif viewer powered by OpenSeadragon
