| e-texts navigator |
| Wylie |
106b1 མནན་དྲག་པོས་བཏུལ་བ་དང་།། སྦྱོར་བར་མཆོད་ནས་བསྟབ་པའོ།། གཏོར་མ་བཏང་སྟེ་དཀྱིལ་འཁོར་བསྡུ།། རྒྱུན་གྱིས་ངེས་པས་སྤྱོད་ལམ་བྱ།། འདི་ནི་རངས་པར་དྲིལ་བ་སྟེ།། རྩ་བ་གང་ལ་བྱིན་མེད་ན།། འདི་ནི
106b2 སྤྲོག་པའི་ཁ་སྐོང་ཡིན།། བསྟན་པ་འཇིག་པའི་ཉམས་པ་བདུན།། འདིས་ནི་ངེས་པར་གསོད་འགྱུར་རོ།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། མིང་པོའི
106b3 བསྒྲུབ་པ་དང་སྤྱིར་དྲིལ་བ་མནན་པ་སྟེ་ལེའུ་བཅུ་ལྔ་པའོ།། །། དེ་ནས་ཕྱི་རབས་ཀྱི་རྣལ་འབྱོར་པའི་ལས་བྱེད་དུ་མ་འདོད་པར་ཐུགས་ཕྱུང་ན། བཛྲ་ཀཱི་ལ་ཡས། དམ་ཅན་གནད་ལ་འབེབས་པ་ཞེས་བྱ་བའི་ཏིང
106b4 འཛིན་ལ་སྙོམས་པར་ཞུགས་ནས། དམ་ཅན་གྱི་གཏན་ཚིག་དང་ཤི་ས་འདི་གསུངས་སོ།། ཉོན་ཅིག་ཀརྨ་ཧེ་རུ་ཀ། དམ་ཅན་གཏན་ཚིགས་ཤི་ས་བསྟན།། ཕྱི་རབས་དོན་དུ་རབ་བཤད་དོ།། དང་པོ་རཱུ་ཏྲ་ཞེས་བྱ
106b5 བ།། བསྐལ་པ་བརྒྱད་ཁྲིའི་སྔོན་རོལ་དུ།། དགེ་སློང་ཐུབ་དཀའ་གཞོན་ནུ་ལ།། ཐར་པ་དན་ཕག་འཁོར་བཅས་ཀྱིས།། གསང་སྔགས་ཐེག་ཆེན་དམ་ནོས་པས།། གཅིག་གི་ལེགས་པར་གོ་གྱུར་ཏེ།། ཐར་པ་ནག་པོས
106b6 ལོག་པར་གོ། དེ་ཡི་རྣམ་སྨིན་ཉེས་པ་ཡིས།། ཁྲོ་བོའི་གཟུགས་ཅན་རཱུ་ཏྲར་སྐྱེས།། བསྟན་པ་རེ་ལ་རེ་རེ་བྱུང་།། དེ་ཡི་འཁོར་རྣམས་འདི་ཡིན་ཏེ།། གསང་སྔགས་དེ་དུས་ལོག་པར་གོ། ཐ་མ་བརྒྱ་བྱིན་བུ་མོར
iiif viewer powered by OpenSeadragon
