| e-texts navigator |
| Wylie |
103a1 ལེགས་པར་བྱ།། གསང་སྔགས་མ་ར་སེ་ན་ཏེ།། ཡང་ན་ལོག་ནས་འབྱུང་བ་བཟླས།། དེ་བཞིན་ནུས་པ་ངེས་ཐོབ་རྟགས།། མོན་པ་དམར་པོ་ཁྱི་དམར་པོ།། དབང་བསྐུར་ངེས་པར་འགྲུབ་པ་ཡིན།། བར
103a2 བར་མཆོད་དབབ་ལེགས་པར་བྱ།། ནུས་ཐོབ་བསད་པའི་ལས་ཀྱང་བྱ།། ཕོར་པའི་ནང་དུ་ལིངྒ་བཅས།། གསང་སྔགས་རབ་ཏུ་བཟླས་པ་ཡིས།། བསེ་ཡི་སྐྱེས་བུ་སྤྲུལ་པ་དང་།། ཡང་སྦྲུལ་སུམ་སྦྲུལ་མོན་པ
103a3 ཡིས།། བཀའ་འདས་ཉམས་པར་རབ་བཀུག་ནས།། ནང་དུ་བསད་པའི་སྦྱོར་བ་བྱ།། དེ་ཡང་བླ་འགུགས་སྔགས་ཀྱིས་སོ།། ཐུན་དབབ་གོང་བཞིན་གནད་ལ་དབབ།། ཕུར་བཏབ་མདའ་འཕང་བསྲེག་འཕང
103a4 གནན།། ཨོཾ་ར་ཤཱི་ནཱ་ར་ཤི་ན། ཀུ་ལན་ཤུ་ན་ལན་མ་ཧོ་ར་ག་ཧཱུཾ་ཕཊ། ཀྲོ་དྷ་ཙིཏྟ་མཱ་ར་ཎི་ཤུ་རུ་ཤུ་རུ། ཤུ་ལ་ཤུ་ལ། ཙི་བ་ར་ཤུ་ལ་ཧ་མཱ་ར་ཡ་རྦད། བཅོ་ལྔ་རྩ་དྲུག་རྩ་སྔགས་ནི།། བསེ་ཡི་གིང་གི་སྔགས་ཡིན་ནོ།། འདི
103a5 ནི་བསེ་ཡི་སྐྱེས་བུའི་བསྒྲུབ་པ་སྟེ།། བླ་རྡོ་མན་ངག་ཤེས་གྱུར་ན།། གང་བཅོལ་ཉན་ལ་སྲོག་གཅོད་བྱེད།། ཟོར་ལ་ཤིས་ཏེ་རབ་ཏུ་གསང་།། དེ་ནས་དམ་ཅན་མ་གསུམ་དང་།། མིང་པོ་ལྔར་བཅས་བསྒྲུབ་པ་ནི།། སྟོད
103a6 ཀྱི་སྔགས་དྲུག་བྱིན་མེད་ན།། དེ་ཡང་རྦད་པའི་ལས་བྱ་བ།། སྔགས་དྲུག་དག་གི་ལས་བྱའོ།། ལས་ཀྱི་ཐུན་སྔགས་བསད་པ་དང་།། རྟགས་འབྱིན་ལྷག་པ་ལྷ་ཡི་དམོད།། སྲོག་གི་ཆན་པ་ཐུན་གྱི་སྔགས།། སྔགས་དྲུག
iiif viewer powered by OpenSeadragon
