| e-texts navigator |
| Wylie |
101b1 དམ་ཅན་གསུམ་སྒྲུབ་པའི་ལེའུ་སྟེ་བཅུ་བཞི་པའོ།། ། དེ་ནས་ཀརྨ་ཧེ་རུ་ཀས།། ཀཱི་ལ་ཡ་ལ་འདི་སྐད་གསོལ།། ཀྱེ་བཅོམ་ལྡན་བཛྲ་ཀཱི་ལ་ཡ།། དམ་ཅན་སྡེ་གསུམ་མིང་པོ་དང་།། རངས་པ་དྲིལ་པའི་བསྒྲུབ་པ
101b2 ནི།། ལེགས་པར་བདག་ལ་བཤད་དུ་གསོལ།། དེ་སྐད་གསོལ་བར་བཀའ་སྩལ་པ།། ཉོན་ཅིག་ཀརྨ་ཧེ་རུ་ཀ། སྲུང་མ་རྣམ་གསུམ་མིང་པོ་དང་།། སྤྱི་དྲིལ་བསྒྲུབ་པ་ངས་བཤད་དོ།། གུས་པར་ཉོན་ལ་ཡིད་ལ
101b3 ཟུང་།། ཡོན་ཏན་ལྡན་པའི་སྔགས་པ་ཡིས།། རྒྱལ་པོ་བསྒྲུབ་པའི་གནས་སུ་ནི།། སྔོན་འགྲོ་བཅས་པ་ལེགས་པར་བསྒྲུབ།། མཎྜལ་གྲུ་གསུམ་མཁར་དང་བཅས།། དུང་གི་མདོག་ཅན་ལེགས་པར་བྲི།། ཐོད་པ་བམ
101b4 རིལ་ཕུར་པ་གཉིས།། ལུག་དཀར་སྙིང་དང་དཀར་ཚོགས་སྙིང་།། བཤོས་བུ་སྤྱན་གཟིགས་མཐུན་རྫས་བཅས།། སྨྱུག་མ་རྟེན་དང་བཅས་པའོ།། ཏིང་འཛིན་བསྐྱེད་པར་རབ་བྱས་ལ།། རྒྱལ་པོ་དཀར་པོ་གྱིང་དཀར
101b5 ཕུར།། རྣམ་པ་རྒྱན་བཅས་བསྐྱེད་པར་བྱ།། སྤྱན་དྲང་མཆོད་འབུལ་བསྟོད་སྨོན་ལམ།། དེ་དག་ལེགས་བྱས་སྔགས་བཟླས་ལ།། ཀ་ར་ཀརྨ་ཡ་ན་ནི།། ཁ་སྐོང་སྔགས་བཅས་རབ་ཏུ་གཞུག། གོང་ལྟར་བཟླས་པས་ནུས
101b6 པའི་རྟགས།། སྐྱ་ཤར་མོན་པ་དཀར་པོ་ལ།། དབང་བསྐུར་ངེས་པར་འགྲུབ་པ་ཡིན།། བར་བར་བཤོས་བུ་སྤྱན་གཟིགས་བསྟབ།། དངོས་གྲུབ་བླངས་ལ་གསད་ལས་བྱ།། ལིངྒ་བཅས་པའི་མན་ངག་བྱ།། ཁྲོས་པའི
iiif viewer powered by OpenSeadragon
