| e-texts navigator |
| Wylie |
101a1 བཅས།། བཟླས་པ་གོང་བཞིན་ནུས་པ་དབྲོག། བར་དུ་མཆོད་བསྟོད་གནད་ལ་དབབ།། བལ་མོ་ལ་སོགས་རྟགས་བྱུང་ན།། དངོས་གྲུབ་བླང་ལ་ནུས་པ་ཐོབ།། དེ་ནས་གསང་བའི་ལས་བྱ་བ།། འབྲུབ
101a2 ཁུང་ལིངྒར་བཅས་པའོ།། ཁྲོས་པས་ལས་བྱ་བསེ་མོ་དགུག། དེ་ཡང་མིང་པོའི་བླ་འགུགས་སྔགས།། དེས་ནི་ངེས་པར་དགུག་པ་ཡིན།། གསང་སྔགས་མཱ་ར་ཡ་བཅས་ལ།། བཟླས་པས་ཡང་སྦྲུལ་སུམ་སྤྲུལ
101a3 གྱིས།། ངེས་པར་བསད་པའི་ཏིང་འཛིན་བྱ།། གོང་བཞིན་དྲུག་དང་བཅུ་གཅིག་དང་།། བཞི་བཅས་གནད་ལ་དབབ་པར་བྱ།། ཐུན་ཕབ་དགོངས་པ་གོང་བཞིན་ནོ།། ཕུར་གདབ་བསྲེག་འཕང་གནན་བྱས་ན།། ཉམས
101a4 པ་འཆི་འགྱུར་མཱ་ར་ཡ།། སྤོག་དང་ཤི་སའི་མན་ངག་ནི།། མ་བྱུང་མཁས་པས་རབ་ཏུ་སྦྱར།། ཁ་སྐོང་མན་ངག་གཞན་དུ་གསུངས།། འདི་ནི་མན་ངག་ནང་ན་མཆོག། ཕུར་བུའི་སྲུང་མ་མཐུ་ཆེན་ཡིན།། ཨ་བྷི
101a5 ཙརྱའི་དུས་ཞེས་པ།། ལྟ་བ་བྱིན་བརླབ་བརྟེན་པ་དང་།། དྲག་སྔགས་རྟོགས་དབང་མཐུ་ཡིན་ཏེ།། དཔེ་དོན་ངེས་གསུམ་ཤེས་པ་ཡིས།། མཐུ་རྣམས་རབ་ཏུ་བསྒྲུབ་པ་ཡིན།། དགོངས་པ་སྔགས་དང་ཕྲིན་ལས
101a6 དང་།། ནུས་པ་གསང་བ་བསད་ཤེས་པའི།། ངེས་པར་དཔེ་དོན་ཤེས་ན་འགྲུབ།། དོན་གསུམ་ངེས་པར་རྣམ་པར་གྲོལ།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས།།
iiif viewer powered by OpenSeadragon
