| e-texts navigator |
| Wylie |
100b1 སྦྲུལ་གྱིས།། ངེས་པར་གསོད་པའི་ཏིང་འཛིན་བྱ།། སྨད་སྟོད་དཀྱུས་ཚིག་ལྔ་བཅས་པ།། དེ་འོག་བཅུ་གཅིག་མཐའ་བསྒྱུར་རོ།། སྟོད་སྨད་ཐ་མའི་བཞི་བཅས་པས།། ཐུགས་དམ་གནད་ལ་དབབ་པར་བྱ།། སེམས་ཅན
100b2 བསད་པའི་རྟགས་བྱུང་ན།། རྩ་བ་ཕུར་གདབ་བསྲེག་དང་འཕང་།། གནན་པའི་ལས་རྣམས་བྱ་བ་ཡིས།། ཉམས་པའི་ངེས་པར་འཆི་བ་ཡིན།། ཁ་སྐོང་གཞན་དུ་ངེས་པར་གསུངས།། ས་བདག་ཆེན་མོ་བསྒྲུབ་པ
100b3 ནི།། གོང་བཞིན་ཡོན་ཏན་ལྡན་པ་ཡིས།། བསེ་མོ་བསྒྲུབ་པའི་གནས་སུ་བྱ།། མཎྜལ་ཟླ་གམ་བཅུ་དྲུག་གམ།། ཡང་ན་བཞི་འམ་འབྲུབ་ཁུང་བཅས།། རང་རང་རིགས་དང་མཐུན་ནམ་གཅིག། ཝ་ཐོད་བཞི་ལ་རྩ
100b4 སྔགས་བཅས།། མཆོག་ཕུར་ལྕགས་ཕུར་ལྔ་རྣམས་སོ།། མར་ཁུ་ཞག་དང་སྦྲང་རྩི་དང་།། འོ་མ་ལ་སོགས་སྐྱོགས་བཞི་དང་།། ཡུངས་ཀར་ཡུངས་ནག་ཟི་ར་དང་།། སྐྱེ་ཚེ་ལ་སོགས་ཐུན་རྫས་བསག། གཞན་ཡང་སྨན
100b5 རཀ་གཏོར་མ་ལྔ།། ལེགས་པར་མཁས་པས་གསོག་པ་ཡིན།། དེ་ནས་ཏིང་འཛིན་བཅས་པ་ནི།། དཔའ་བོ་དཔའ་མོ་བསམ་པ་སྟེ།། རང་རང་རིགས་མཐུན་སྐུ་མདོག་ལ།། བསེ་ཁྲབ་རྒྱན་ཆས་ཕྱག་ན་ཡང་།། ཞགས
100b6 པ་ཕུར་བུ་བསྣམས་པ་ནི།། ཆིབས་སམ་ཡང་ན་རྐྱང་པ་སྟེ།། བློན་པོ་ཡང་བློན་བཅས་པ་བསྐྱེད།། སྤྱན་དྲང་ལ་སོགས་གོང་བཞིན་ནོ།། དཔའ་བོའི་གསང་སྔགས་བཅས་པ་དང་།། བར་དུ་བསེ་སྔགས་སྭཱ་ཧཱ
iiif viewer powered by OpenSeadragon
