| e-texts navigator |
| Wylie |
100a1 ངེས།། དཀྱིལ་འཁོར་མཆེད་བཞིའི་ཚུལ་དུ་ལ།། གྲུ་གསུམ་བཅས་པ་ལེགས་པར་བྲི།། བསྙེན་ཕུར་ཤྲ་ནའི་ཕུར་པ་བཞི།། དབུས་ལ་སོགས་པར་རབ་ཏུ་དགོད།། ཐོད་ཆེན་འབར་སྦྱང་ལྔ་རྣམས
100a2 དགོད།། རང་རང་སྙིང་དང་ཁྲག་ཆེན་དང་།། ལྕགས་ཕྱེ་ཟངས་ཕྱེ་གསེར་བྱེ་དང་།། རྡོ་ཕྱེ་གཏོར་མ་ལྔ་རྣམས་དགྲམ།། དེ་ནས་གོང་བཞིན་བསྐྱེད་པ་ཡང་།། ལྕགས་སྦྱང་འཕར་བ་ཝ་མོ་དང་།། ཁྱི་མོ་རང་རང་གང
100a3 རིགས་བྱ།། མཆེ་བ་ཅན་ནི་བཞིར་ངེས་པར།། ཆིབས་སམ་ཡན་ན་རྐྱང་པ་སྟེ།། རང་རང་ཅོད་པན་ཕུར་པ་བསྣམས།། ཁྲོས་པའི་ཚུལ་དུ་རབ་ཏུ་བརྟག། སྤྱན་དྲངས་ལ་སོགས་གོང་བཞིན་ནོ།། གསང་སྔགས་གོང
100a4 བཞིན་བཅས་པ་ལ།། བར་དུ་ཤྲ་ནའི་སྔགས་བཅས་པ།། ལེགས་པར་བཟླས་ལ་གོང་བཞིན་བྱ།། དེས་ནི་རྟགས་དང་ནུས་པ་ནི།། འཕར་སྦྱང་མང་པོ་འདུས་པ་དང་།། མགོ་བརྙན་ཚོགས་ལ་དབང་བྱེད
100a5 པའོ།། ནུས་ཐོབ་དངོས་གྲུབ་བླང་བར་བྱ།། དེ་ནས་གསོད་པའི་ལས་བྱ་བ།། གོང་བཞིན་འབྲུབ་ཁུང་བཅས་པའོ།། ལིངྒ་ལེགས་བཅས་ལས་རྣམས་བྱ།། ཤྭ་ནའི་ཏིང་འཛིན་མང་པོ་ཡིས།། འགུགས་པ་དག་ཏུ་ངེས་པ
100a6 ཡིན།། མིང་པོས་ཡང་ནི་དེ་བཞིན་ནོ།། གསང་སྔགས་མཱ་ར་ཡ་བཅས་སམ།། བཟླས་པས་ཤྭ་ནའི་ཚོགས་བཅས་པས།། སྟོད་ཅིང་ཟ་བའི་ཏིང་འཛིན་བྱ།། བར་བར་ཐུན་རྣམས་བྲབ་པ་ཡིས།། རྫས་རྣམས་སྤྲུལ་པ་ཡང
iiif viewer powered by OpenSeadragon
