| e-texts navigator |
| Wylie |
377a1 མུན་སེལ་འགྲོ་བའི་སྡུག་བསྔལ་སེལ།། ཡེ་ཤེས་རི་བོས་བལྟ་ངན་རྣམ་པར་སེལ།། བདེ་བ་ཆེན་པོ་ལོངས་སྤྱོད་རྫོགས་པའི་སྐུ།། མཚན་དང་དཔེ་བྱད་འོད་འབར་མཛེས་ལྡན་ནི།། ཡེ་ཤེས་ལྷ་མོར་ཞལ
377a2 སྦྱོར་དམ་འཁྱུད་ཅིང་།། ལྕེ་འཇིབ་སེན་འདེབས་ཆགས་པའི་གར་སྟབས་ཀྱིས།། ཡེ་ཤེས་ཐིག་ལེའི་ཆར་གྱིས་རབ་རྒྱས་བདེ་བའི་སྐུ།། སྣ་ཚོགས་རྣམ་འཕྲུལ་དགྱེས་པའི་གར་ཐབས་ནི།། དགའ་དང་མཛེས་དང
377a3 ཆགས་དང་རོལ་པ་དང་།། འབར་དང་བསྡིགས་དང་འགྲེད་དང་མཉེས་པ་དང་།། སྤྲུལ་པའི་གར་དགུས་འགྱིངས་པ་ཡིས།། འགྲོ་བའི་བསམ་པ་ཡོངས་རྫོགས་ལྷུན་གྱིས་གྲུབ།། ཅེས་གསུངས་སོ།། དཔལ་ཧེ་རུ་ཀ།
377a4 འདུས་པའི་རྒྱུད་ཆེན་པོ་ལས།། རྣལ་འབྱོར་འབྲས་བུའི་ལེའུ་སྟེ་སོ་གཅིག་པའོ།། །།
377a5 དེ་ནས་ཡང་དེ་བཞིན་གཤེགས་པས་དགོས་པ་ཆེན་པོ་འདོད་ཆགས་གསང་བའི་ངོ་བོ་ཀུན་ཏུ་བཟང་པོ་ཡེ་ཤེས་རྔམ་པའི་རྒྱལ་པོས་འདི་སྐད་ཅེས་གསུངས་སོ།། དཔལ་ཧེ་རུ་ཀ་འདུས་པའི་རྒྱུད་ཆེན་པོ་འདི་ནི་ཕྱོགས
377a6 བཅུ་དུས་བཞིའི་སངས་རྒྱས་མ་ལུས་པའི་སྐུ་དང་གསུང་དང་ཐུགས་རྡོ་རྗེའི་ངོ་བོ་ཡིན་པས།། དེ་ལ་གནས་པར་གྱིས་ཤིག། སངས་རྒྱས་ཀུན་གྱི་ངོ་བོ་གཅིག་པར་བསླབ་པར་གྱིས་ཤིག། ཐིག་ལེ་ཆེན་པོ་བྱོས་མེད་པར
iiif viewer powered by OpenSeadragon
