| e-texts navigator |
| Wylie |
374a1 ཉན་པ་ལ།། རིམ་བཞིན་ལས་ནི་བརྩམ་པར་བྱ།། དངོས་གྲུབ་ཡིད་བཞིན་འགྲུབ་འདོད་ན།། བྱམས་དང་སྙིང་རྗེས་གཞི་གཟུང་ནས།། མ་ནོར་སྙིང་པོའི་དོན་རྟོགས་ནས།། ཏིང་འཛིན་སྔགས་དང་ཕྱག
374a2 རྒྱར་ལྡན།། དད་དང་བརྩོན་འགྲུས་བརྟུལ་ཞུགས་ཀྱིས།། བར་ཆད་མེད་པར་བསྒྲུབས་པས་ན།། ལོ་དང་ཟླ་བས་འགྲུབ་པར་འགྱུར།། ཞེས་གསུངས་སོ།། དཔལ་ཧེ་རུ་ཀ་འདུས་པའི་རྒྱུད་ཆེན་པོ་ལས། དངོས་གྲུབ་ཀྱི
374a3 རྟོག་པ་བསྟན་པའི་ལེའུ་སྟེ་ཉི་ཤུ་རྩ་དགུ་པའོ།། །། དེ་ནས་ཡང་གསང་བའི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དུས་གསུམ་སངས་རྒྱས་ཐམས་ཅད་ཀྱི།། མ་བཙལ་རང་ཤར་ཕྲིན
374a4 ལས་བདག། ཐུགས་རྗེ་ཕྲིན་ལས་ལྷུན་གྱིས་གྲུབ།། ཕྲིན་ལས་རིམ་པ་བཤད་དུ་གསོལ།། ཞེས་གསོལ་ཏོ།། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་ཡེ་ཤེས་རྔམ་པའི་རྒྱལ་པོ་དེས་འདི་སྐད་ཅེས་བཀའ་སྩལ
374a5 ཏོ།། བྱང་ཆུབ་སེམས་ནི་རྡུལ་དང་བྲལ།། ཆེ་བའི་ཡོན་ཏན་མཁའ་དང་མཉམ།། ཅིར་ཡང་སྣང་ཡང་ཉིད་ལ་འདུས།། ཆོས་ཉིད་ངང་ལ་རྣམ་རྟོག་མེད།། གངས་འདབས་དང་ནི་ཆུ་གླིང་དང་།། ནགས་ཚལ་སྨན་ལྗོངས
374a6 མེ་ཏོག་ཚལ།། ཕུག་དང་གྲོག་མདོའི་འཇིགས་པ་དང་།། དུར་ཁྲོད་ཤིང་གཅིག་མ་མོའི་ཁྱིམ།། རྣམ་པར་སྣང་མཛད་དཀར་པོ་དང་།། རྡོ་རྗེ་རིན་ཆེན་གསེར་གྱི་མདོག། མཐའ་ཡས་པདྨ་རཱ་ག་སྟེ།། རྡོ་རྗེ་ཡིས་ནི་སྣ
iiif viewer powered by OpenSeadragon
