| e-texts navigator |
| Wylie |
373b1 ལ།། འཁོར་བའི་རྟོག་པ་སྦྱང་བྱས་ལ།། དཀྱིལ་འཁོར་ཉིད་དུ་བསམ་བྱ་ཞིང་།། རང་རང་ལྷ་ཡི་སྙིང་པོ་དག། རས་ཆེན་དག་ལ་བྲིས་ཏེ་གདགས།། ཡང་ན་དེ་ཉིད་མེ་ཡི་ལྷ།། རིགས་དང་མཐུན་པར་གསལ་བསྒོམས
373b2 ནས།། རང་གི་མཆོད་པ་གང་རིགས་པས།། དཀྱིལ་འཁོར་ལྷ་ལ་མཆོད་པར་བསམ།། ཡང་ན་རོལ་པའི་དཀྱིལ་འཁོར་གྱི།། ཐུགས་རྗེ་འབྱུང་བའི་དཀྱིལ་འཁོར་ཏེ།། དྲག་ཤུལ་སྒྲོལ་བའི་གིང་ཆེན་དེས།། གདུག་པ་མ
373b3 ལུས་བཀུག་བསྟིམས་ནས།། དྲག་པོ་སྟོབས་ཀྱིས་བསྒྲལ་ནས་ནི།། འཁོར་བའི་ས་བོན་བསྲེགས་ནས་ནི།། ཆོ་ག་གསུམ་གྱིས་ལྷ་བསྐྱེད་ནས།། འོག་མིན་སྦྱོར་བའི་ལྷུམས་སུ་འཕང་།། ཡེ་ཤེས་ཚོགས་སུ་བསྔོ་བར
373b4 བྱ།། ཕུང་པོ་ལྷག་མ་བསྒྲལ་བ་ནི།། ལྷ་ཡི་ཚོགས་དང་སྦྱར་ནས་ནི།། རྡོ་རྗེ་གསང་བའི་གླུ་བླང་ཞིང་།། བསྲེག་རྫས་མཆོད་པའི་སྐོངས་སུ་འབུལ།། རྡོ་རྗེ་གདུངས་པའི་གླུ་བླང་ཞིང་།། བཀྲ་ཤིས་གནས་ཀྱི་སྨོན་ལམ
373b5 གདབ།། མི་དགེ་སྡིག་པའི་བག་ཆགས་དང་ག། གདུང་བའི་གླུ་དང་བཅས་ཏེ་བཤགས།། རྡོ་རྗེ་མེ་རིའི་ལྷ་རྣམས་ཀྱང་།། ལེགས་ཉེས་རབ་འབྲིང་ཐ་མ་བརྟག། ངན་ཞིང་བག་ཆགས་མ་བྱེད་ན།། ལན་གསུམ་བསྲེག
373b6 པར་བྱས་ན་ནི།། ངན་འགྲོ་ངེས་པར་སྐྱེས་པ་ཡང་།། ཐར་བར་འགྱུར་ཏེ་ཐེ་ཚོམ་མེད།། འདི་དག་རིམ་པར་བརྩམ་པ་ཡང་།། རྣལ་འབྱོར་ལམ་ལ་ཞུགས་པ་དང་།། ཐ་མལ་པ་དག་སྤྱད་པ་དང་།། མ་ཤིས་གདོན་གྱིས
iiif viewer powered by OpenSeadragon
