| e-texts navigator |
| Wylie |
373a1 སྟེ།། མགོ་བཅད་གོ་མཚོན་གཡུལ་བཟློག་སྟེ།། སྡེ་བརྒྱད་དམག་ཀྱང་འཇོམས་འགྱུར་ན།། རྨོངས་པ་མི་ལྷ་སྨོས་ཅི་དགོས།། བདག་ཉིད་ལས་ཀྱི་སེམས་དཔའ་སྟེ།། འོག་ཏུ་ཟླ་བའི་དཀྱིལ་འཁོར
373a2 བསམ།། དེ་འོག་རླུང་གི་དཀྱིལ་འཁོར་ཏེ།། དྲག་ཞན་མཐོ་དམན་རྟགས་དང་སྦྱོར།། ཏིང་འཛིན་རླུང་གི་གོམ་པ་ཡིས།། ཕྱོགས་བཅུར་བསམ་པས་ཕྱིན་པར་འགྱུར།། ཆུ་སྟེང་ཡང་ནང་ཟླ་བ་ཐིམ་པར་བསམ།། དེ་སྟེང
373a3 རྡོ་རྗེ་རྒྱ་གྲམ་བསམ།། མངོན་དུ་གསལ་བར་གྱུར་པ་ན།། ཏིང་འཛིན་མ་ཡེངས་སྟོབས་ཀྱིས་བགྲོད།། རྒྱ་མཚོ་འབབ་ཆུ་ལ་སོགས་པར།། ཐོགས་པ་མེད་པར་འགྲོ་བར་འགྱུར།། བདག་ཉིད་རྡོ་རྗེ་སེམས་དཔའ
373a4 སྟེ།། ཐུགས་ཀའི་ཧཱུཾ་ནི་གྲངས་མེད་པ།། ནམ་མཁའི་རྡོ་རྗེའི་སྐས་ཀྱིས་གཏམས།། གང་དགའ་ས་ཕྱོགས་བགྲོད་པ་ནི།། སེམས་ཀྱི་སྤྱོད་ཡུལ་ཡངས་པར་འགྱུར།། བདག་ཉིད་གང་རུང་ལྟར་བསྒོམས་ལ།། ཟླ་བའི
373a5 དཀྱིལ་འཁོར་སྟེང་གནས་ཏེ།། དེ་འོག་རླུང་གི་དཀྱིལ་འཁོར་བསམ།། རླུང་ལ་རླུང་གིས་བསྐྱོད་བསྒོམས་པས།། གང་ལ་དགའ་བའི་ས་ཕྱོགས་སུ།། མཁའ་ལ་ཐོགས་པ་མེད་པར་འགྲོ།། ཐུགས་རྗེས་འགྲོ་བའི་དོན
373a6 བྱེད་ན།། བདག་ཉིད་དྲག་པོའི་ལྷར་གསལ་འབར།། རོལ་པའི་དཀྱིལ་འཁོར་མངོན་བསམ་སྟེ།། བར་ཆོད་བགེགས་ནི་བསལ་བར་བྱ།། རོ་ལ་ངེས་པའི་ཁྲུས་བྱས་ཞིང་།། ཤེས་པ་བསྟིམས་བྱུག་རྒྱན་བཏགས
iiif viewer powered by OpenSeadragon
