| e-texts navigator |
| Wylie |
372a1 འབར།། པདྨ་སེམས་དཔའ་ཡབ་ཡུམ་བསྒོམ།། ཏིང་འཛིན་ལམ་གྱིས་དྲངས་ནས་ནི།། སངས་རྒྱས་ཞིང་ཁམས་ངེས་བགྲོད་བྱ།། ནམ་མཁའི་དབྱིངས་ཀྱི་དཀྱིལ་འཁོར་ན།། ཨ་ལས་ཟླ་བའི་དཀྱིལ
372a2 འཁོར་བསམ།། རྒྱ་གྲམ་ལས་ཀྱི་སེམས་དཔའ་ཉིད།། གྲུབ་པའི་ཏིང་འཛིན་བསྐྱེད་ནས་ནི།། བདག་གཞན་བྱ་བ་བསྒྲུབ་པའི་ཕྱིར།། སངས་རྒྱས་ས་ལ་བགྲོད་པར་བྱ།། རིག་འཛིན་སྒྲུབ་པའི་རྣལ་འབྱོར་པ།། དགོན
372a3 པ་དབེན་པའི་ས་ཕྱོགས་སུ།། བཱ་ཡཱ་མཎྜལ་ལྔ་སྟེང་དུ།། བྱིས་པ་ཕོ་མོ་གཙང་མ་ལ། ཁྲུས་དང་དྲི་ཞིམ་ལྡན་བྱས་ལ།། མ་ཡེངས་རྩེ་གཅིག་བསམས་པས་གང་།། བདག་ཉིད་ཧེ་རུ་ཀར་གསལ་བས།། མ་ནོར་ལྷ་ནི
372a4 བརྟེན་བྱས་ལ།། བར་ཆོད་བགེགས་ནི་བསྐྲད་བྱས་ལ།། ཚངས་པ་དང་ནི་བརྒྱ་བྱིན་དང་།། མཐུ་ཆེན་ཕྱོགས་སྐྱོང་འཇིག་རྟེན་སྐྱོང་།། སྔགས་དང་ཕྱག་རྒྱ་ཏིང་འཛིན་གྱིས།། བཀུག་ནས་དེ་ལ་དབབ་པར་བྱ།། བཅིངས
372a5 ནས་འདར་ཞིང་འཕར་བ་དང་།། དམ་ཆུ་བླུད་ལ་སྨ་རུ་གཞུག། གལ་ཏེ་སྨྲ་བར་མི་བྱེད་ན།། དབང་ཆེན་གསང་བདག་རྒྱལ་པོ་ཡིས།། ཧེ་རུ་ཀ་ཡི་ཏིང་འཛིན་གྱིས།། སྔགས་དང་ཕྱག་རྒྱས་བསྡིག་བྱའོ།། བདུད་རྩི་ལྕེ་ལ
372a6 བཞག་ནས་ཀྱང་། ཁམས་གསུམ་གཏམ་ནི་སྨྲ་བར་བྱ།། བདག་ཉིད་གསལ་བའི་ལྷ་བསྒོམས་ནས།། སྙིང་གར་ཡི་གེ་འབྲུ་གསུམ་བསམ།། མ་ལུས་གཟི་བྱིན་གསུམ་བསྒོམས་ནས།། འོད་ལུས་ཡི་གེ་ཨ་དཀར
iiif viewer powered by OpenSeadragon
