| e-texts navigator |
| Wylie |
371b1 པའོ།། །། དེ་ནས་གསང་བའི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དུས་གསུམ་སངས་རྒྱས་ཐམས་ཅད་ཀྱི།། སྐུ་གསུང་ཐུགས་ཀྱི་རང་བཞིན་ཁྱོད།། ཡིད་བཞིན་ནོར་བུ་ཆེན་པོ
371b2 ལྟར།། འགྲོ་བ་ཀུན་གྱི་བསམ་པ་བསྐང་།། དངོས་གྲུབ་ཀུན་གྱི་གཏེར་དུ་གྱུར།། དངོས་གྲུབ་སྒྲུབ་ཐབས་བཤད་དུ་གསོལ།། ཞེས་གསོལ་པ་ལས།། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་ཡེ་ཤེས་རྔམ
371b3 པའི་རྒྱལ་པོས་འདི་སྐད་ཅེས་གསུངས་སོ།། སྒྲུབ་པ་མཆོག་གི་རྣལ་འབྱོར་པ།། དད་དང་དམ་ཚིག་བརྟུལ་ཞུགས་དབང་།། ངེས་པར་ཐོབ་པའི་རྒྱལ་པོ་ཡིས།། འཇིགས་པ་བག་ཚ་ཀུན་སྤངས་ཏེ།། དུར་ཁྲོད་ལ་སོགས
371b4 དབེན་པའི་སར།། རང་གི་ཏིང་འཛིན་ལས་རུང་ནས།། ནམ་མཁའི་དབྱིངས་སུ་ཟླ་བ་བསྒོམ།། རང་ཉིད་སྒྲུབ་པ་ཧཱུཾ་བཅས་བསམ།། དེ་ལས་རྡོ་རྗེ་སེམས་དཔའ་ནི།། ཡབ་ཡུམ་འོད་དང་གཟི་མདངས་བཅས།། ཏིང
371b5 འཛིན་རིམ་པར་བསྐྱེད་བྱས་ནས།། ཆོ་འཕྲུལ་མངོན་ཤེས་རིམ་པ་ཡིས།། སངས་རྒྱས་ཞིང་ཁམས་བགྲོད་པར་བྱ།། ནམ་མཁའི་དབྱིངས་སུ་ཟླ་བ་བསྒོམ།། སྣ་ལས་རིན་ཆེན་འོད་འབར་བསམ།། རིན་ཆེན་སེམས
371b6 དཔའ་ཡབ་ཡུམ་བསྒོམ།། ཏིང་འཛིན་རིམ་པས་བསྐྱེད་ནས་ནི།། སངས་རྒྱས་ཞིང་ཁམས་བགྲོད་པར་བྱ།། ནམ་མཁའི་དབྱིངས་ཀྱི་དཀྱིལ་འཁོར་ན།། གྲུབ་པའི་ཨ་ལས་ཟླ་བ་བསམ།། ངེས་འགྱུར་ཧྲཱིཿསྙིང་པདྨར
iiif viewer powered by OpenSeadragon
