| e-texts navigator |
| Wylie |
371a1 ཕྲིན་ལས་མཆོག། ཀ་ནི་མཛེས་པས་གཉིས་མེད་སྐུ།། རུ་ནི་ཆགས་པའི་གསུང་ཉིད་དེ།། ཧེ་ནི་བདེ་བའི་ཐིག་ལེ་ཉིད།། ཀ་ནི་འདོད་པའི་དབང་མོ་ཆེ།། རུ་ནི་སྒེག་པ་ཧེ་རུ་ཀ། ཧེ་ནི་ཐིག་ལེ་བདེ་ཆེན
371a2 པོ།། ཧེ་ནི་ཡབ་ཡུམ་འཁྲིལ་བ་སྟེ།། རུ་ནི་སྦྱོར་བའི་ཕྱག་རྒྱ་བཞི།། ཀ་ནི་ཐིག་ལེ་འབེབས་པའི་ལས།། ཧེ་ནི་རྒྱུ་རྐྱེན་བྲལ་བ་ལ།། རུ་ནི་ཡབ་ཡུམ་མཛེས་པར་སྣང་། གཉིས་མེད་ཐིག་ལེ་བདེ་བ་ཆེ།། རང་ལ་གད་མོས
371a3 ལ་དུ་སྣང་།། ཀ་ནི་ཡབ་ཡུམ་ཕྱག་རྒྱ་ཆེ།། མ་ནི་བསྐྱེད་པ་ལྷ་ཡི་ཚོགས།། ལ་ནི་སྦྱོར་བའི་དངོས་གྲུབ་མཆོག། ཐབས་དང་ཤེས་རབ་གཉིས་མེད་པའི།། ཉི་ཟླའི་འོད་ཀྱི་གང་བུ་ལ།། བསྐྱོད་པ་རླུང་གི་དབང་བསྐུར
371a4 བས།། མ་ལུས་བདེ་བ་ཆེན་པོར་སྣང་།། ལ་ལར་ཆགས་པས་ཆགས་བྲལ་འགྱུར།། ཆགས་པས་ཆགས་པ་འཇོམས་བྱེད་པ།། ཐབས་ཆེན་ལྡན་པའི་སྐྱེས་བུ་ནི།། དུག་གིས་དུག་ནད་སེལ་བའོ།། དངོས་གྲུབ་ཞིང་གྱུར
371a5 རྣལ་འབྱོར་པ།། ཉོན་མོངས་པར་ཆོད་བདུད་ལྔ་པོ།། ཐབས་ཆེན་ཐོབ་པའི་རྣལ་འབྱོར་པས།། དེ་ཉིད་དེ་ཡིས་རྣམ་པར་གྲོལ།། དུག་ཉིད་བདུད་རྩིར་གྱུར་པ་ལ།། རིགས་མིན་ཐབས་ཀྱིས་རྣམ་པར་འཇོམས།། དེ་ནི
371a6 མ་རྟོགས་ཉོན་མོངས་དུག། ཐབས་ཀྱིས་བདུད་ཀྱི་བདུད་རྩི་འབར་བར་བྱེད།། ཅེས་གསུངས་སོ།། དཔལ་ཧེ་རུ་ཀ་འདུས་པའི་རྒྱུད་ཆེན་པོ་ལས། བདེ་བ་ཆེན་པོར་བྱིན་གྱིས་རླབས་པའི་ལེའུ་སྟེ་ཉི་ཤུ་རྩ་བརྒྱད
iiif viewer powered by OpenSeadragon
