| e-texts navigator |
| Wylie |
369b1 འཕེན་པའི་སྦྱོར་བ་ཡིས།། དེ་བཞིན་བརྟག་ཅིང་གནས་པ་ལ།། སྣང་བ་རིག་པའི་ཐིག་ལེར་བསྡུས།། རྒྱུ་བ་ནམ་མཁའ་སྟོང་པར་འཆར།། ཤེས་པའི་འོད་གསལ་ཐིག་ལེར་ཐིམ།། ཡུལ་དང་ཤེས་པ་མ་མཐོང
369b2 བས།། ཕུང་པོ་ཉིད་མཚམས་སྦྱོར་དང་བྲལ།། མ་བཅོས་འོད་གསལ་ཐིག་ལེ་ལ།། རོལ་པ་རང་སྣང་ཀུན་འཆར་ཡང་།། རྒྱ་མཚོའི་རླབས་ལྟར་འགྲོ་འོད་མེད།། ཅེས་གསུངས་སོ།། དཔལ་ཧེ་རུ་ཀ་འདུས་པའི་རྒྱུད་ཆེན
369b3 པོ་ལ། ཡིད་ཀྱི་གཟུགས་བརྙན་བརྟག་ཅིང་། སྒྱུ་མའི་རྣལ་འབྱོར་བྱ་བའི་ལེའུ་སྟེ་ཉི་ཤུ་བདུན་པའོ།། །། དེ་ནས་ཡང་དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཀུན་ཏུ་བཟང་པོ་ཡེ་ཤེས་རྔམ་པའི་རྒྱལ
369b4 པོས་འདི་སྐད་ཅེས་གསུངས་སོ།། དབང་ཕྱུག་གསང་བའི་རྣལ་འབྱོར་པས།། དད་དང་དམ་ཚིག་བརྩེ་ལྡན་ཞིང་།། དབང་ཐོབ་བརྟུལ་ཞུགས་ཆེར་ལྡན་པ།། དངོས་གྲུབ་ཆེན་པོ་ཐོབ་འདོད་པས།། དུར་ཁྲོད་པས་མཐའ
369b5 རབ་དབེན་པར།། བདག་ཉིད་བྱ་བ་ཀུན་རྫོགས་ནས།། ཡིད་དང་འཐད་པའི་གཟུངས་མ་བསྟེན།། རིགས་དང་ལྡན་ཞིང་ཡིད་འོང་བ།། འཇམ་ལ་དལ་ཞིང་ན་སོ་གཞོན།། ལུས་ནི་དར་ལ་བབས་པ་དང་།། དད་པ་ཆེ
369b6 བ་ཤེས་རབ་རྣོ།། བརྟུལ་ཞུགས་འཛེམ་དང་ཁུ་འཕྲིག་ཆུང་།། སྤྱོད་པ་བརླིང་ཞིང་ཐོགས་རྡུག་མེད།། གསང་ཐུབ་འདོད་ཆགས་ཆེ་བ་དང་།། འཁྱུད་བརྡེག་སྦྱོར་བའི་ལས་ལ་དགའ།། དཀར་ལ་དམར་མདངས་ཆེ་བ
iiif viewer powered by OpenSeadragon
