| e-texts navigator |
| Wylie |
368b1 ཁྱད་པར་བྲལ།། གང་ལའང་གནས་པར་མི་བྱེད་པ།། ཐབས་ཆེན་གསང་བའི་ལམ་གནས་པར།། རྟོག་གེ་པ་ཡི་ཡུལ་མིན་ཏེ།། ཡང་དག་གྲུབ་པ་གཅིག་པུ་ཉིད།། སྐྱེ་བ་བརྒྱུད་པའི་སྡུག་བསྔལ་བྲལ།། ཞེས་གསུངས
368b2 སོ།། དཔལ་ཧེ་རུ་ཀ་འདུས་པའི་རྒྱུད་ཆེན་པོ་ལས། སྤྲོས་པ་མེད་པར་བསྟན་པའི་ལེའུ་སྟེ་རྩ་དྲུག་པའོ།། །། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་ཡེ་ཤེས་རྔམ་པའི་རྒྱལ་པོས། སྒྱུ་མ་ཡེ་ཤེས་ཀྱི
368b3 རྣལ་འབྱོར་ཞེས་བྱ་བའི་རྟོག་པ་འདི་གསུངས་སོ།། དཔལ་ལྡན་ཧེ་རུ་ཀ་ཡི་དངོས།། བླ་མ་སངས་རྒྱས་ཀུན་གྱི་དངོས།། ལོངས་སྤྱོད་བུ་དང་ཆུང་མ་དང་།། རྒྱལ་སྲིད་བླ་མ་མཉེས་བྱས་ནས།། ཕུན་སུམ་ཚོགས་པའི
368b4 སློབ་མ་ཡིས།། མན་ངག་འདོད་པར་གསོལ་བ་གདབ།། དེ་ནས་ལུང་ལྡན་བླ་མ་དེས།། ཇི་སྲིད་སྣང་སྲིད་ཆོས་རྣམས་ཀུན།། སྒྱུ་མ་འཇའ་ཚོན་ཆུ་ཟླ་དང་།། བྲག་ཆ་སྒྲ་བརྙན་ཆུ་བུར་དང་།། མགལ་མེ་ལྟ་བུར་བདག
368b5 གཞན་བརྟག། བདག་གཞན་ཡུལ་སེམས་རབ་རྟོགས་པས།། མ་ལུས་མཁའ་ལ་སྤྲིན་ཕུང་དང་།། དབུ་བ་ལྟ་བུའི་འདུ་ཤེས་འབྱུང་།། གང་ལའང་ཆགས་པ་བྲལ་བ་ནི།། ཡིད་ཆེས་བརྟན་པ་མེད་ཕྱིར་རོ།། བདག་གི
368b6 ལུས་ངག་ཡིད་གསུམ་ནི།། ཆུ་ཟླ་བྲག་ཆ་ནམ་མཁར་ནི།། བྱིན་རླབས་དབང་གིས་གསལ་འགྱུར་ན།། མ་ལུས་སྒྱུ་མར་མངོན་དུ་སྣང་།། རྣལ་འབྱོར་ཐབས་དང་ཤེས་རབ་ནི།། དཔའ་བོ་དཔའ་མོའི་རང་བཞིན་ཏེ།། ལྔ
iiif viewer powered by OpenSeadragon
