| e-texts navigator |
| Wylie |
367a1 ཕཊ།། ལྷག་མ་དེ་བཞིན་ཤེགས་པར་བྱ།། རྟགས་བྱུང་ཁུགས་ནས་གསལ་ལྡན་པས།། གཙོ་བོའི་ཕུར་པ་སྙིང་ལ་བརྡེག། ལྷག་མ་གནས་བརྒྱད་དག་ལ་སྦྱར།། བཅུད་བསྡུས་བག་ཆགས་གསུམ
367a2 བསྲེགས་ནས།། འོག་མིན་གནས་སུ་ཕཊ་ཀྱིས་འཕང་།། ཕུང་པོ་མཚོན་ཆས་བསྒྲལ་བྱས་ནས།། བསྟབ་པས་འབར་བའི་འཁོར་ལོ་མཉེས།། དངོས་གྲུབ་བླང་དང་ལས་མཇུག་བསྡུ།། ཅི་རིགས་པར་ནི་ལས་རྣམས
367a3 བྱ།། ཞེས་གསུངས་སོ།། དཔལ་ཧེ་རུ་ཀ་འདུས་པའི་རྒྱུད་ལས། དྲག་པོ་སྒྲོལ་བའི་ལེའུ་སྟེ་ཉི་ཤུ་བཞི་པའོ།། །། དེ་ནས་ཡང་གསང་བའི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཤིན
367a4 ཏུ་ཁྲོ་ཞིང་གཏུམ་པ་ལ།། ཞི་བས་ཕན་པར་མི་འགྱུར་ཏེ།། རྨོངས་དང་གསད་དང་གཟིར་བ་ཡི།། ལས་ནི་བདག་ལ་བཤད་དུ་གསོལ།། ཞེས་གསོལ་པས། བཅོམ་ལྡན་འདས་ཡེ་ཤེས་རྔམ་པའི་རྒྱལ་པོས་འདི་སྐད་ཅེས
367a5 གསུངས་སོ།། དྲག་ཤུལ་ལས་ཀྱིས་འདུལ་བ་དང་།། ཞིང་བཅུ་བདེ་ལ་དགོད་པའི་ཕྱིར།། རྣལ་འབྱོར་དྲོད་ལྡན་སྙིང་བརྩེ་བས།། དབེན་པའི་གནས་སུ་ལས་འདི་བརྩམ།། མཎྜལ་ཚད་དང་ལྡན་པ་ལ།། བདུད་རྩི་དྲི
367a6 ཆེན་གྱིས་བྱུགས་ལ།། དབུས་སུ་གྲུ་གསུམ་ཐུར་བྲུས་ལ། ཁྲག་ཆེན་མི་རོའི་སོལ་བས་བྱུག། ཐ་མ་ཟླ་གམ་ཁྲག་གི་བྱུག། ཐོད་པའི་ར་བས་ཀུན་ནས་བསྐོར།། དབུས་སུ་ཐོད་པ་ནག་པོ་ལ། ཁྲག་སྣ་ཚོགས་དང་དུག་སྣ
iiif viewer powered by OpenSeadragon
