| e-texts navigator |
| Wylie |
366a1 བུམ་པའི་བཅུད་ལ་བསྡུ།། དེ་ཡང་རིམ་ནས་རིམ་བསྡུས་ཏེ།། འོད་དཔག་མེད་པའི་ཐུགས་ཀར་བསྟིམ།། དང་པོ་གནས་ནས་དགུག་པ་སྟེ།། དེ་ནས་སྙིང་གར་དྲིལ་བ་སྟེ།། གསུམ་པ་གཟུགས་ལ་བསྟིམ
366a2 པར་བྱ།། བཞི་པས་བརྟན་པར་བྱ་བ་སྟེ།། ཐ་མས་བསྲུང་བར་བྱ་བ་ཉིད།། གལ་ཏེ་དབང་དུ་མ་གྱུར་ན།། ཚེ་དཔག་མེད་ཀྱང་ཁྲོ་བོ་སྟེ།། དམར་ནག་ཁྲོས་པ་འཇིགས་ཚུལ་ཅན།། ཐབས་དང་ཤེས་རབ་འབྲེལ་བར
366a3 བསྒོམ།། འཁོར་ཡང་ཁྲོ་མོ་བརྒྱད་དུ་སྟེ།། བྱང་ཆུབ་སེམས་ཀྱིས་བཀང་བ་ཡི།། བྷན་དྷ་ཐོགས་པའི་འཕྲོ་འདུ་ཡིས།། མ་ལུས་གང་བར་སྤྲོས་པ་ཡི།། ཚངས་དང་ལྷ་དབང་བརྒྱ་བྱིན་དང་།། རྒྱལ་ཆེན་ཚེ་བདག་ཕྱོགས
366a4 སྐྱོང་བཅས།། ཚེ་དང་གཟི་བརྗིད་ཕྲོགས་ནས་བསྟིམ།། རྫས་རྣམས་དངོས་གྲུབ་བླང་བྱས་ལ།། བདག་ཉིད་སྐུ་གསུང་ཐུགས་ལ་བསྟིམ།། ལས་ཀྱི་ལྷག་མའི་ཆོ་ག་རྣམས།། ཅི་རིགས་སུ་ནི་སྦྱིན་པར་བྱ།། དཔལ་ཧེ་རུ
366a5 ཀ་འདུས་པའི་རྒྱུད་ཆེན་པོ་ལས། རྡོ་རྗེ་ཚེ་སྒྲུབ་པའི་ལེའུ་སྟེ་ཉི་ཤུ་རྩ་གསུམ་པའོ།། ། དེ་ནས་གསང་བའི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དུས་གསུམ་སངས་རྒྱས་ཐམས་ཅད
366a6 ཀྱི།། ཕྲིན་ལས་འཇིགས་མཛད་ཧེ་རུ་ཀ། གདུག་པ་འདུལ་ལ་ཕྱག་འཚལ་ལོ།། སྒྲོལ་བའི་ཆོ་ག་བཤད་དུ་གསོལ།། ཞེས་གསོལ་པ་ལས། བཅོམ་ལྡན་འདས་ཡེ་ཤེས་རྔམ་པའི་རྒྱལ་པོས་འདི་སྐད་ཅེས་གསུངས
iiif viewer powered by OpenSeadragon
