| e-texts navigator |
| Wylie |
365a1 དབུས་སུ་གཞུག། ཏ་ཀྲེཏ་བརྒྱད་དང་ཧེ་རུ་ཀ། སུམ་རྩེགས་འབར་བའི་དཀྱིལ་འཁོར་བསྐྱེད།། དབང་བསྐུར་བྱིན་བརླབ་གཉིས་མེད་སྟིམ།། མཆོད་བསྟོད་བདུད་རྩིའི་སྲུང་མ་སྦྲན།། རང་རང་བདུད
365a2 རྩིའི་བཟླས་པར་བྱ།། རྩེ་གཅིག་ཏིང་འཛིན་པར་ཆད་མེད།། དགུ་པའི་ཕྱག་རྒྱ་གནན་ཞིང་བཟླས།། མཐུན་པའི་རྟགས་ནི་བྱུང་བར་དུ།། མཆོད་བསྟོད་ལས་བཅོལ་སྲུང་མ་བོད།། བར་ཆད་བསལ་བ་རྒྱུན་མི
365a3 བཅད།། རྟགས་ཀྱང་རྣམ་པ་བདུན་གྱིས་ཏེ།། འོད་དང་དུ་བ་སྒྲ་དང་དྲི།། ལྷ་མོས་ལུང་བསྟན་འབྱུང་བ་དང་།། མང་དུ་འཕེལ་ན་བསྒྲུབ་རྫས་ཡིན།། རུ་ལུ་གར་གྱི་བྲོ་བརྡུངས་པས།། དངོས་གྲུབ་རང་གི་གཞུང་དང
365a4 སྦྱར། འཇུག་དང་བདུད་རྩིས་དབང་བསྐུར་ཞིང་།། དངོས་གྲུབ་གསོལ་གདབ་ཆོ་ག་བྱ།། རྡོ་རྗེ་བླ་མ་ཡུམ་བཅས་པས།། བྱང་ཆུབ་སེམས་ཀྱི་དབང་བསྐུར་ཏེ།། བསྲུང་དང་བླ་མས་གནང་བྱིན་ལ།། བླ་མ་ལ་ནི་བསྙེན
365a5 བཀུར་བྱ།། ཞེས་གསུངས་སོ།། དཔལ་ཧེ་རུ་ཀ་འདུས་པའི་རྒྱུད་ལས། བདུད་རྩི་སྒྲུབ་པའི་ལེའུ་སྟེ་ཉི་ཤུ་རྩ་གཉིས་པའོ།། །། དེ་ནས་ཡང་གསང་བའི་བདག་པོ་དེས། བཅོམ་ལྡན་འདས་ལ་འདི་སྐད་ཅེས
365a6 གསོལ་ཏོ།། དུས་གསུམ་སངས་རྒྱས་ཐམས་ཅད་ཀྱི།། འཆི་མེད་རྡོ་རྗེ་ཚེ་ཡི་བདག། རྣལ་འབྱོར་བར་ཆད་བསལ་བའི་ཕྱིར།། རྡོ་རྗེ་ཚེ་མཆོག་བཤད་དུ་གསོལ།། ཞེས་གསོལ་བ་ལས། བཅོམ་ལྡན་འདས་དཔལ་ཡེ
iiif viewer powered by OpenSeadragon
