| e-texts navigator |
| Wylie |
364b1 བྱ།། ཐིག་དང་ཚོན་སྣ་བྱིན་བརླབས་ལ།། འཁོར་ལོ་རྩིབས་བརྒྱད་དཀྱིལ་འཁོར་བྱ།། སོ་སོ་རྩ་བ་ཡན་ལག་བཅས།། ཕྱེ་མའི་རིགས་ལྔར་ཕྱེ་བཀོད་ལ།། རྫས་དང་ཡོ་བྱད་རྒྱན་རྣམས་དང་།། རིམ་པ་བཞིན་དུ་རྣམ
364b2 པར་བཀོད།། མ་བཅོས་ཆོས་དབྱིངས་རང་བཞིན་ལ།། སྙིང་རྗེ་ནམ་མཁའི་རང་བཞིན་ཤར།། རྒྱུ་ལས་རྟེན་བྱས་གཞལ་ཡས་ཁང་།། རིགས་ལྔ་ཡབ་ཡུམ་རྒྱན་དང་བཅས།། བདུད་རྩི་ཉིད་ལ་བསྐྱེད་བྱས་ཏེ།། ཡེ་ཤེས
364b3 དབབ་བསྟིམ་མཆོད་བྱས་ནས།། མཚན་མ་ཐོབ་པར་བཟླས་པར་བྱ།། སྟོང་ཚིག་བར་ཆད་བསལ་བ་དང་།། ལྷ་མོ་སྦྲན་དང་བྱིན་རླབས་དབབ།། རོལ་མོ་དང་ནི་གཡབ་མོ་དང་།། དབྱངས་སྙན་བཅས་པར་ལྷ་མོ
364b4 རྟེན།། ལྷ་མོ་མཛེས་པའི་བྷ་ག་རུ།། རྡོ་རྗེ་ཐབས་ཀྱི་ཐོ་བ་ཡིས།། རྩ་བ་ཡན་ལག་བཅས་བརྡུང་བ།། ཕྱེ་མ་གནས་ལྔར་བཀོད་པ་སྟེ།། བྱིན་བརླབ་སྔགས་དང་ཕྱག་རྒྱ་དང་།། ཏིང་འཛིན་བདུད་རྩི་ལྔ་རུ་ཞུ།། དེ་ནས
364b5 ལེགས་པར་བསྡུ་བར་བྱ།། འདི་ནི་ཕྱེ་མའི་སྒྲུབ་ཐབས་སོ།། དེ་ནས་བུམ་པའི་སྒྲུབ་པ་ནི།། སྔ་མའི་དཀྱིལ་འཁོར་གནས་བསྒྱུར་ཏེ།། དཀྱིལ་འཁོར་པདྨ་འདབ་བརྒྱད་ལ།། གེ་སར་སྙིང་པོ་བཅས་པ་བྲིས།། ཕྱེ་མ་ཀུན
364b6 བསྡུས་བུམ་པར་སྩལ།། ཅོད་པན་རྒྱ་དང་གཟུངས་ཐག་གདགས།། དང་པོར་བཏག་བཙག་གཞལ་བར་བྱ།། ཚད་དང་ལྡན་པའི་བདུད་རྩི་ནི།། བདུད་རྩི་འཁྱིལ་བར་མངའ་གསོལ་ལ།། བྱིན་བརླབས་དབང་སྐུར
iiif viewer powered by OpenSeadragon
