| e-texts navigator |
| Wylie |
364a1 དབུས་ཀྱི་བན་དྷ་སྟེ།། བསྐྱེད་དང་བྱིན་བརླབ་འཕྲོ་འདུ་ལས།། རྣམ་པར་སྣང་མཛད་ངོ་བོར་གྱུར།། བྱང་ཆུབ་སེམས་ཀྱི་ངོ་བོ་ནི།། རྩ་བ་ཡན་ལག་མི་སྤྱོད་པ།། འཕྲོ་འདུ་བྱིན་བརླབ་བཅས་པ་ཉིད།།
364a2 རྗེའི་རིགས་སུ་ལྷུན་གྱིས་གྲུབ།། མཱཾ་ས་རྩ་བ་ཡན་ལག་བཅས།། ལྷོ་ཡི་བན་དྷ་རྒྱས་མ་རུ།། འཕྲོ་འདུ་བྱིན་བརླབ་བཅས་པ་ཡིས།། འབྱུང་ལྡན་ངོ་བོར་ལྷུན་གྱིས་གྲུབ།། རཱ་ག་རཀྟ་ཆགས་པ་དངོས།། རྩ་བ་ཡན་ལག
364a3 བཅས་པ་ཉིད།། བྱིན་བརླབ་འཕྲོ་འདུར་བཅས་པ་ཡི།། སྣང་བ་མཐའ་ཡས་ངོ་བོར་ཞུ།། དྲི་ཆུ་རྩ་བ་ཡན་ལག་བཅས།། བྱང་གི་བྷན་དྷ་རྒྱ་གྲམ་དུ།། འཕྲོ་འདུ་བྱིན་བརླབ་བཅས་པ་ཉིད།། དོན་ཡོད་གྲུབ་པའི་ངོ་བོར
364a4 ཞུ།། འདི་དག་སོ་སོར་དགོད་པར་བྱ།། རྒྱན་ཆས་དབང་བཅས་གྲལ་བཀོད་དེ།། དཀྱིལ་འཁོར་གཞལ་ཡས་གདན་དང་བཅས།། སངས་རྒྱས་དཀྱིལ་འཁོར་ཡབ་ཡུམ་གཉིས།། བསྐྱེད་ཅིང་བྱིན་བརླབ་དབང་བསྐུར
364a5 བྱ།། གཉིས་མེད་གསལ་བསྟིམ་མཆོད་བྱས་ཏེ།། བྱིན་བརླབ་སྨན་གྱི་ལྷ་མོ་སྦྲན།། བར་གཅོད་བསལ་བ་རྒྱུན་ཏུ་བྱ།། དེ་ནས་འབར་བའི་དཀྱིལ་འཁོར་དུ།། ཇི་བཞིན་འབར་བ་རྒྱན་དང་བཅས།། སྐད་ཅིག་གསལ
364a6 བསྐྱེད་སྤྱན་དྲང་བསྟིམ།། ཕྱི་ནང་གསང་བས་མངོན་མཆོད་དེ།། རང་རང་གསལ་བའི་སྲོག་ལྡན་བཟླས།། བར་ཆད་མེད་པར་བརྩོན་པར་བྱ།། འདི་ནི་ཁྲོལ་བུ་བསྒྲུབ་པར་བཤད།། དེ་ནས་གཞན་ཡང་བཤད་པར
iiif viewer powered by OpenSeadragon
