| e-texts navigator |
| Wylie |
363b1 བྱུང་བདུད་རྩིའི་ངོ་བོ་ཁྱོད།། མ་ལུས་ནད་སེལ་ཐུགས་རྗེ་ཡི།། བདུད་རྩིའི་ཆོ་ག་བཤད་དུ་གསོལ།། ཞེས་གསོལ་པ་ལས།། དེ་ནས་བཅོམ་ལྡན་འདས་དཔའ་ཡེ་ཤེས་རྔམ་པའི་རྒྱལ་པོས།། འདི་སྐད་ཅེས་གསུངས
363b2 སོ།། སྣང་སྲིད་མ་ལུས་བདུད་རྩི་ལྔ།། ཐིག་ལེ་རང་བྱུང་བཅོམ་ལྡན་འདས།། མ་བཅོས་ཐབས་ཀྱིས་དེ་བསྒྲུབ་ན།། འཆི་མེད་བདུད་རྩི་རྨད་བྱུང་འགྲུབ།། གཞན་ཡང་མཚན་མས་བསྒྲུབ་བྱ་ན།། གངས་ཕུག་སྨན
363b3 ལྗོངས་ནགས་འདབས་སམ།། ཆུ་ཀླུང་རྒྱ་མཚོའི་ངོ་ལ་སོགས།། དགོན་པར་བར་ཆད་མེད་པར་རུ།། ཕུན་སུམ་ཚོགས་པ་ཀུན་ལྡན་ནས།། འབྱོར་དང་དུས་ཚིགས་བཟང་པོ་ལ།། བཀྲ་ཤིས་ཀུན་ནས་ཅི་འཚམས
363b4 པ།། བདག་གཞན་དོན་ཕྱིར་བསྒྲུབ་པར་བྱ།། ས་གཞི་བརྟག་དང་བསླང་བ་དང་།། སྦྲང་དང་བར་ཆད་བསལ་བྱས་ནས།། རང་གི་དཀྱིལ་འཁོར་ཚད་བཞིན་བརྩིག། བདུད་རྩི་ལྔ་ཡིས་བྱུག་པར་བྱ།། ཕྱི་ནང་བར་གྱི
363b5 བགེགས་བསལ་ནས།། བསྐང་གསོ་ཚོགས་རྣམས་བསག་པར་བྱ།། རྡོ་རྗེའི་བྱིན་རླབས་ལས་བྱུང་བ།། སོ་སོར་ཆ་ལས་བྱུང་བ་ལྟར།། རྡོ་རྗེ་དབྱིངས་ཀྱི་དཀྱིལ་འཁོར་ཉིད།། རྡོ་རྗེའི་ཕོ་བྲང་གདབ་པར་བྱ།། དཀྱིལ
363b6 འཁོར་ཐིག་བཞི་ལེ་ཙེ་དགུ། ཁྱམས་དང་སྒོར་བཅས་བྲི་བར་བྱ།། བཞི་བཅུ་རྩ་གཉིས་ཀུན་བཀོད་ལ།། སོ་སོར་རྒྱན་དང་རོལ་མོ་དག། ཕྱོགས་ཆ་ཀུན་ནས་བརྒྱན་པར་བྱ།། དྲི་ཆེན་རྩ་བ་ཡན་ལག་བཅས།། ཇི་སྙེད
iiif viewer powered by OpenSeadragon
