| e-texts navigator |
| Wylie |
362a1 ཏོ།། དུས་གསུམ་སངས་རྒྱས་ཐམས་ཅད་ཀྱི།། གསང་བའི་འཁོར་ལོ་གཏེར་གྱི་བདག། བྱིན་རླབས་རྨད་བྱུང་གསང་བའི་ཐུགས།། དུག་གསུམ་སྐུ་གསུང་ཐུགས་སྦྱོར་བའི།། སྒྲུབ་པའི་ལམ་མཆོག་དམ
362a2 པ་དག། བདག་ལ་རྒྱ་ཆེར་བཤད་དུ་གསོལ།། ཞེས་གསུངས་པ་ལས།། བཅོམ་ལྡན་འདས་ཡེ་ཤེས་རྔམ་པའི་རྒྱལ་པོས་འདི་སྐད་ཅེས་གསུངས་སོ།། དད་དང་དམ་ཚིག་དབང་ཐོབ་ཅིང་།། བརྟུལ་ཞུགས་ལྡན་པའི་རྣལ
362a3 འབྱོར་པས།། བན་དྷ་དབང་པོ་ལྔ་ལྡན་དང་།། ཚལ་བུ་རང་རང་སྙིང་པོ་ཅན།། རིམ་པ་བཞིན་དུ་དགོད་པར་བྱ།། འཇིགས་པའི་རྫས་དང་སྣང་བའི་མེ།། དངོས་གྲུབ་མཆོད་པའི་རྫས་དག་དགྲམ།། ཡིད་འོང་འདུས
362a4 དང་རྣམ་བྲལ་ཞིང་།། རབ་དབེན་བར་ཆད་ཀུན་བྲལ་ལ།། བརྟག་ཅིང་བླང་བཟུང་བསྟན་པ་སྟེ།། བྱིན་གྱིས་བརླབ་པར་བརྩམ་པར་བྱ།། དཀྱིལ་འཁོར་ཐིག་གདབ་བྱིན་བརླབས་ཤིང་།། ཡིད་འོང་མཚན་ལྡན་རིག་མ
362a5 ས།། དུར་ཁྲོད་རྨད་བྱུང་གསང་བའི་ཐིག། གསལ་ལ་འབྲུས་པ་མེད་པར་གདབ།། སྟེགས་བུ་གྲུ་བཞི་ཚད་ལྡན་ལ།། རྨད་བྱུང་རྫས་ཀྱིས་གོ་མ་བྱ།། དུར་ཁྲོད་རྫས་ཀྱིས་བྱུག་བྱས་ལ།། དུར་ཁྲོད་ཆེན་པོར་བྱིན་གྱིས
362a6 བརླབ།། དུར་ཁྲོད་རྫས་ཀྱི་ཚོན་ལྔ་ཡིས།། ཧེ་རུ་ཀ་ཡི་དོན་མཚོན་ཕྱིར།། ཐོད་པའི་མཚན་མས་གསལ་བྱས་པའི།། དུར་ཁྲོད་དཀྱིལ་འཁོར་འཇིགས་པ་བྲི།། ཐ་མ་ཟླ་གམ་དམར་པོ་ནི།། གྲུ་བཞིའི་སྟེང་དུ་མཛུབ་གང
iiif viewer powered by OpenSeadragon
