| e-texts navigator |
| Wylie |
361b1 དག་ལ།། སེང་གེ་སྟག་དང་བྱ་རྒོད་དང་།། ཀང་ཀ་ཝ་སྤྱང་འུག་པ་དང་།། བྱ་རོག་འཐབ་པའི་ཚུལ་དུ་གནས།། ཤ་ཁྲག་མིག་དང་རྣ་བ་དང་།། རྐང་དང་ཚིལ་བུ་སྲོག་རྩ་དང་།། ཀླད་པ་བརྒྱད་ཀྱི་རྫས་སུ་དགོད།། སྒོ
361b2 བཞི་ཡན་ལག་མཚན་མ་སྟེ།། ཕྱི་རིམ་ཟླ་གམ་སྒལ་ཚིགས་གང་།། དབང་ཕྱུག་མ་ཡི་མཚན་མར་དགོད།། དགོས་པའི་ཡོ་བྱད་ཀུན་བཀྲམ་ནས།། བར་ཆད་བསལ་ཞིང་བྱིན་བརླབས་ཏེ།། དག་པ་གསུམ་གྱིས་བྱིན
361b3 བརླབས་ནས།། བྷྲཱུཾ་ལས་ཁོག་པ་གཞལ་ཡས་ཁང་།། དུར་ཁྲོད་རྒྱན་དང་ལྡན་པ་ཡི།། དབང་དྲག་གཞལ་ཡས་མེ་འབར་ལ།། ལྷ་དང་བཅས་པ་ཀུན་བསྐྱེད་ལ།། དགུག་དང་བསྟིམ་མཆོད་བཟླས་རྫོགས་ནས།། མཆོད
361b4 བསྟོད་དངོས་གྲུབ་གསོལ་བ་གདབ།། དུས་དང་མཚན་མར་བྱུང་བར་དུ།། མཁས་པས་རྟག་ཏུ་བརྩོན་པར་བྱ།། དུར་ཁྲོད་རྫས་ལ་རྟེན་བཅས་ནས།། འཁོར་བ་ཡོངས་སྒྲོལ་དཀྱིལ་འཁོར་དུ།། འཇུག་དང་དམ་ཚིག
361b5 ཕོག་པ་ལ།། དུར་ཁྲོད་མཚན་མས་དབང་བསྐུར་ལ།། སྦྱིན་བསྲེག་མཉེས་པའི་ལས་བྱས་ལ།། ལྷག་མས་མཁའ་འགྲོ་མཉེས་བྱས་ལ།། ཆ་གསུམ་རིམ་པས་བགོས་ནས་ནི།། རྫོགས་ནས་ཅི་རིགས་ལས་ལ
361b6 དབབ།། ཅེས་གསུངས་སོ།། དཔལ་ཧེ་རུ་ཀ་འདུས་པའི་རྒྱུད་ལས། མ་ཏྲང་གནན་པ་སྒྲུབ་པའི་ལེའུ་སྟེ་ཉི་ཤུ་པའོ།། །། དེ་ནས་ཡང་གསང་བའི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ
iiif viewer powered by OpenSeadragon
