| e-texts navigator |
| Wylie |
360b1 པ་རྫོགས་པ་དང་།། དུར་ཁྲོད་འབར་བའི་དཀྱིལ་འཁོར་དུ།། འདུག་ཅིང་དམ་ཕོག་དབང་བསྐུར་ལ།། དངོས་གྲུབ་རིམ་པ་བླང་བར་བྱ།། ལྷག་མའི་ཆོ་ག་ཇི་སྙེད་པ།། རང་གི་ལས་དང་མཐུན་པར་བྱ།། ཞེས་གསུངས
360b2 སོ།། དཔལ་ཧེ་རུ་ཀ་འདུས་པའི་རྒྱུད་ལས། ཟླ་གམ་དྲུག་ཅུ་རྩ་བརྒྱད་པའི་སྒྲུབ་ལུགས་ཏེ་ལེའུ་བཅུ་དགུ་པའོ།། །། དེ་ནས་ཡང་གསང་བའི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ
360b3 ཏོ།། དུས་གསུམ་སངས་རྒྱས་ཐམས་ཅད་ཀྱི།། སྐུ་གསུང་ཐུགས་ཀྱི་རང་བཞིན་གྱིས།། འཁོར་བའི་དུར་ཁྲོད་སྒྲོལ་བའི་བདག། རཱུ་ཏྲ་བསྒྲལ་བའི་ཕུང་པོ་ཉིད།། དཀྱིལ་འཁོར་ཆེན་པོ་མཛད་དུ་གསོལ།། ཞེས་གསོལ
360b4 པ་ལས། བཅོམ་ལྡན་འདས་དཔལ་ཡེ་ཤེས་རྔམ་པའི་རྒྱལ་པོས། འདི་སྐད་ཅེས་གསུངས་སོ།། ཆོས་རྣམས་ཡུལ་སེམས་གཉིས་མེད་ལ།། བདག་དང་བདག་གིར་འཛིན་པ་ཡིས།། རཱུ་ཏྲ་གསུམ་གྱིས་ངོ་བོར
360b5 བརྟགས།། དེ་ཉིད་མ་སྐྱེས་རྟོགས་པས་བསྒྲལ།། དུར་ཁྲོད་ཕུག་དང་མ་མོའི་ཁྱིམ།། ཤེས་དང་བྱིན་བརླབས་བཀྲ་ཤིས་པ།། སྐྱེ་བོ་འདུ་འཛི་མེད་པ་ཡི།། བར་ཆད་མེད་པའི་ས་ཕྱོགས་སུ།། རྩོད་པ་ཞི་དང་བཀྲ་ཤིས
360b6 ཕྱིར།། ས་ཡི་ཆོ་ག་ཀུན་བྱས་ལ།། བྱིན་བརླབ་བསྐྲད་པ་རྒྱ་ཆེར་བྱ།། ཕུན་སུམ་ཚོགས་པ་ཀུན་འདུས་པ།། ཚོགས་བསག་གཏོང་དང་སྦྱིན་བྱས་ལ།། བསམ་ངན་བར་ཆད་བསལ་བྱས་ཏེ།། ཕྱི་རོལ་བྱ་བའི་ཆ་རྫོགས
iiif viewer powered by OpenSeadragon
