| e-texts navigator |
| Wylie |
359a1 བྱ།། དབང་བསྐུར་འཇུག་དང་དམ་ཚིག་དབོག། དངོས་གྲུབ་འདོད་པར་གསོལ་བ་གདབ།། དང་པོར་དཔལ་གྱི་ལོངས་སྤྱོད་དེ།། གཉིས་པ་སློབ་དཔོན་ཉིད་དུ་བཤད།། གསུམ་པ་རྣལ་འབྱོར་པོ་མོ
359a2 སྟེ།། བླངས་ཏེ་ཐོགས་པ་མེད་པར་སྤྱད།། ལྷག་མའི་ལས་ཀྱི་ཆོ་ག་དག། དང་པོར་སྦྱིན་བསྲེག་ཆོ་ག་བྱ།། བར་མ་མི་ཟད་གཏེར་དུ་སྦ།། ཐ་མ་མཁའ་འགྲོ་ཡོངས་ལ་བཏང་།། ལས་ཀྱི་ལྷག་མ་བསྡུ་བྱས་ལ།། སློབ
359a3 དཔོན་མཉེས་པའི་ཆོ་ག་བྱ།། ཐབས་དང་ལྡན་པའི་རྣལ་འབྱོར་གྱིས།། འདི་ལྟར་བར་ཆད་མེད་བསྒྲུབས་ན།། ཆོ་འཕྲུལ་བཞི་དང་ལྡན་པ་ཡིས།། ཡང་དག་བསྒྲུབ་པའི་དངོས་གྲུབ་འཐོབ།། ཅེས་གསུངས་སོ།། དཔལ
359a4 ཧེ་རུ་ཀ་འདུས་པའི་རྒྱུད་ཆེན་པོ་ལས་ཟླ་གམ་བཅོ་བརྒྱད་པ་སྒྲུབ་པའི་ལེའུ་སྟེ་བཅོ་བརྒྱད་པའོ།། ། དེ་ནས་བཅོམ་ལྡན་འདས་རྔམ་པའི་རྒྱལ་པོ་དེས། དུར་ཁྲོད་ཆེན་པོའི་དཀྱིལ་འཁོར་ཟླ་གམ་དྲུག་ཅུ་རྩ
359a5 བརྒྱད་པའི་ཆོ་ག་འདི་གསུངས་སོ།། དང་པོས་དབང་ཐོབ་བྱིན་ལྡན་པའི།། ལས་དང་བྱ་བ་མཁས་པ་དང་།། བར་ཆད་འཇིགས་བྲལ་སྒྲུབ་པ་པོས།། རི་རྩེ་དགོན་པ་དུར་ཁྲོད་དང་།། རབ་ཏུ་དབེན་པའི་ས་ཕྱོགས་སུ།།
359a6 ས་གཞི་ལེགས་པར་བརྟག་པ་དང་།། བསླང་དང་སྦྱང་དང་བྱིན་བརླབ་པ།། ཆོ་ག་བཞིན་དུ་བྱས་ནས་ནི།། དཀྱིལ་འཁོར་ཚད་དང་ལྡན་པར་བྱ།། དམ་རྫས་བདུད་རྩི་བྱུགས་བྱས་ནས།། དུར་ཁྲོད་སྲད་བུ་ཚད་ལྡན
iiif viewer powered by OpenSeadragon
