| e-texts navigator |
| Wylie |
358a1 ནང་དུ་ཟླ་གམ་བརྒྱད།། ཀུན་ཀྱང་དབང་དང་ཆགས་པའི་ཕྱིར། ཁ་དོག་དམར་པོ་བྲི་བར་བྱ།། དུར་ཁྲོད་ཀ་པ་གདུང་དག་དང་།། ཟོད་ཕྲེང་སྦྲུལ་དང་ཉི་ཟླས་བརྒྱན།། འབར་བའི་རྒྱན་ཆ་སྣ་ཚོགས
358a2 བརྒྱན།། དུར་ཁྲོད་མཆོད་པ་སྣ་ཚོགས་དང་།། ཞལ་བུ་བདུད་རྩི་རཀྟ་དང་།། དཔལ་གྱི་ཞལ་ཟས་ལོངས་སྤྱོད་རྒྱན།། དངོས་གྲུབ་རྟེན་དུ་བཅས་པ་གཞག། དཔལ་གྱི་བན་དྷ་སྙིང་པོ་ཅན།། ཐབས་དང་ཤེས་རབ་ལྡན
358a3 པར་དགོད།། རིག་མ་བཅུ་དྲུག་མཚན་མ་ནི།། རིགས་བཟང་ཚུལ་དུ་མཚན་ལྡན་ལ།། གསལ་བའི་རྟགས་གསུམ་བཅངས་པའམ།། ཡང་ན་དུར་ཁྲོད་རྫས་སུ་དགོད།། རོལ་མོ་ཧསྟའི་གཡབ་མོར་བཅས།། ཇི་བཞིན་པ
358a4 ཡི་གནས་སུ་གཞག། གཟི་བརྗིད་མེ་མར་སྣང་བ་དགུ།། ཡེ་ཤེས་དགུ་ཡི་རྟགས་སུ་གཞག། རྡོ་རྗེ་སློབ་དཔོན་འབྲེལ་བཅས་པས།། རང་རང་མཚན་མའི་གྲལ་བཀོད་དེ།། ལྷག་པའི་རྟགས་དང་རྒྱན་ལྡན་པས།། མ
358a5 དག་པ་མི་མཚམས་གཅད་ཅིང་།། དག་པ་ཐམས་ཅད་བྱིན་གྱིས་བརླབ།། གསང་བར་གསང་བའི་དབང་ཐོབ་ནས།། རང་རང་གསང་བའི་ལས་ལ་འཇུག། སྐུ་གསུམ་ས་ལ་གོམས་བྱའི་ཕྱིར།། ཏིང་འཛིན་གསུམ
358a6 པོ་ཚུལ་བཞིན་བསྒོམ།། བརྟེན་པ་འབྱུང་བའི་རིམ་སྟེངས་སུ།། བན་དྷ་དབང་པོ་དང་ལྡན་པའི།། རློན་རྩིག་རང་གི་དབྱིབས་བཞིན་དུ།། ཕོ་བྲང་ཉམས་དགའ་གདན་བཅས་བསྒོམ།། ཆོ་ག་གསུམ་གྱིས་སྐུར་བསྐྱེད
iiif viewer powered by OpenSeadragon
